Mbrojtësi shqiptar ka patur një sezon fantastik pasi ka shkëlqyer me ish skuadrën e tij të Koln në 16 ndeshjet e para dhe ka hedhur një hap të rëndësishëm për karrjerën e tij duke u transferuar te skuadra e Hamburgut.
Tashmë Mavraj është përkrah emrave të mëdhenj në kampionatin gjerman si David Alaba, Sokratis Papasthopulos dhe Philip Lahm.
Për marrjen e një vendi në formacionin më të mirë të Bundesligës, 30-vjeçarit shqiptar i është dashur të përballet me futbollistë të Bayern dhe kombëtares gjermane, si Mats Hummels dhe Jerome Boateng, të cilët ai i ka lënë pas.
Nga ana tjetër Mavraj është votuar si qendërmbrojtësi i dytë më i preferuar nga tifozët, duke marrë 26% të votave të tifozëve, vetëm 1% më pak se lojtari grek i Dortmund Sokratis, i cili mbante vendin e pare.
Redaksia Online
D.T/Shqiptarja.com