POP 5

Lajmet më të lexuara të 5 minutave të fundit

Politikë

Burgjet kërkojnë 576 mln lekë shtesë për uniformat në 2024! Ulsi Manja: Urgjente akomodimi i personave me detyrim shtrimin në psikiatri

Plot 576 milionë lekë shtesë kërkohen nga Drejtoria e Burgjeve për uniformat e punonjësve në buxhetin e vitit të ardhshëm. Ministri i Drejtësisë ngriti shqetësimin e akomodimit të personave me probleme të shëndetit mendor me shtrim detyruar në psikiatri.

Drejtoria e Përgjithshme e Burgjeve kërkoi 576 milionë lekë shtesë në buxhetin prej 14.6 miliardë të vitit 2024, për vijimësinë e kontratës së uniformave të policisë së burgjeve.

"Për të garantuar vazhdimësinë e kontratës, ose për ta përmbyllur komplet kontratën tonë në vitin 2024 ne do të donim nga Ministria e Financave, gjithmonë me mbështetjen e Komisionit të Sigurisë Kombëtare, edhe 576 milionë lekë" tha Ulsi Manja.

Manja deklaroi në Komisionin e Sigurisë Kombëtare se pjesë e buxhetit të vitit të ardhshëm është edhe rritja e pagave që nga 1 prilli.

"Është buxhetuar edhe rritja e pagave. Drejtori i Përgjithshëm i Burgjeve më konfirmon se do të filloj nga zbatimi më 1 prill të vitit 2024 sepse kjo është e parashikuar në buxhet" tha ai.

Ministri i Drejtësisë ngriti problemin e akomodimit të personave me probleme të shëndetit mendor, të cilët sipas tij kanë detyrimin e shtrimit psikiatrik, detyrë kjo e ministrisë së Shëndetësisë.

"Kërkojmë një zgjidhje urgjente për trajtimin e personave me masë mjekësore që ne aktualisht i kemi në Shënkoll. Ky kontingjent personash që ne aktualisht kemi do të duhet të trajtohen nga ministria përklatëse (ministria e Shëndetësisë). Ndërsa Drejtoria e Përgjithshme e Burgjeve, sipas ligjeve, duhet të marrë në ruajtje vetëm perimetrin e jashtëm të këtij institucioni" deklaroi Manja.

Burgjeve nga fundi i muajit nëntor u shtohet një flotë e re prej 91 mjetesh, 22 prej të cilave minibusë për transportin e punonjësve përmes të cilës, synohet t’i jepet fund udhëtimit të efektivave për në punë me fugonët e rastit.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ministri gjerman: Synimi i Putinit s’është Ukraina, por Evropa

Ministri gjerman: Synimi i Putinit s’është Ukraina, por Evropa

28 Prill, 08:17