Burim frymëzimi para finales së Champions League, Luka Modric rinovon me Real Madrid

Burim frymëzimi para finales së Champions League, Luka Modric rinovon me Real Madrid

Luka Modric

Luka Modric (38-vjeç), kontrata e të cilit me Real Madrid skadon më 30 qershor, tashmë ka nënshkruar marrëveshje të re, raporton Gianluca Di Marzio.

Mesfushori kroat mendohej të largohej në fillim të sezonit. Pas takimit me Florentino Perez, filloi puna për mbajtjen e mesfushorit qendror. Më pas ai e informoi presidentin se donte të qëndronte për të paktën një sezon.

Sipas Di Marzio, Luka Modric ka nënshkruar një kontratë të re që do t'i detyrojë të dyja palët të bashkëjetojnë deri më 30 qershor 2025. Eksperti i transferimeve tha se njoftimi zyrtar do të publikohet javën e ardhshme, pra pas finales së Ligës së Kampionëve e cila luhet sot kundër Borussia Dortmundit.

Modric është në sezonin e tij të 13 te Real Madrid. Ndërkohë "Galaktikët" do të humbasin Toni Kroos në verë dhe me shumë gjasa edhe Nacho. Ky i fundit ende nuk e ka konfirmuar ndarjen nga klubi.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Klubi evropian mbeti pa lojtarë dhe staf trajnerësh, tërhiqet nga Conference League

Klubi evropian mbeti pa lojtarë dhe staf trajnerësh, tërhiqet nga Conference League