Ukraina ka humbur mbi 40 për qind të territorit në rajonin rus të Kurskut, të cilin e pushtoi gjatë një sulmi të papritur në muajin gusht. Humbja e territorit vjen pas një vale sulmesh dhe kundërsulmesh të ushtrisë ruse, tha një burim i lartë ushtarak ukrainas për agjencinë e lajmeve Reuters.
Burimi, i cili punon në Shtabin e Përgjithshëm të Ukrainës, tha se Rusia kishte dislokuar 59,000 trupa në rajonin e Kurskut që kur forcat e Kievit hynë dhe përparuan me shpejtësi, duke e kapur Moskën të papërgatitur rreth dy vjet e gjysmë pas sulmit në shkallë të gjerë ndaj Ukrainës.
“Ne kontrollonim një territor me një sipërfaqe prej rreth 1376 kilometra katrorë, që tani është ngushtuar. Armiku po shton kundërsulmet e tij", tha burimi. "Aktualisht kontrollojmë një territor prej afërsisht 800 kilometra katrorë. Ne do ta mbajmë këtë territor për aq kohë sa të jetë e përshtatshme nga pikëpamja ushtarake".
Me hyrjen në Kursk, Kievi synoi të frenonte sulmet ruse në pjesët lindore dhe verilindore të Ukrainës, të detyronte Rusinë që të tërhiqte forcat që po përparonin gradualisht në lindje dhe t'i jepte Kievit një “armë” shtesë në negociatat e mundshme të paqes në të ardhmen.
Por forcat ruse po vazhdojnë të përparojnë në rajonin Donetsk, në lindje të Ukrainës.
Presidenti Volodymyr Zelenskiy është shprehur se beson se objektivat kryesore të Presidentit Vladimir Putin kanë qenë pushtimi i plotë i Donbasit, i cili përbëhet nga rajonet Donetsk dhe Luhansk, dhe largimi i trupave ukrainase nga rajoni i Kurskut.
"Për Putinin, gjëja më e rëndësishme është të na detyrojë të largohemi nga rajoni i Kurskut. Jam i sigurt se ai dëshiron të na largojë deri më 20 janar", tha Presidenti Zelenskiy për mediat, duke iu referuar kohës kur Presidenti i zgjedhur i Shteteve të Bashkuara do të marrë detyrën. “Është shumë e rëndësishme për të (Putinin) që të tregojë se e ka situatën nën kontroll”.
Burimi nga Shtabi i Përgjithshëm i Ukrainës përsëriti se rreth 11,000 trupa të Koresë së Veriut ishin dislokuar në rajonin e Kurskut në mbështetje të Rusisë, por se pjesa më e madhe e tyre po përfundonin fazën e stërtvitjes.
Ministria e Mbrojtjes e Rusisë nuk iu përgjigj një kërkese të agjencisë së lajmeve Reuters për të komentuar. Reuters nuk mund të verifikojë në mënyrë të pavarur shifrat apo citimet e zyrtarit ukrainas.
Rusia, e cila ka nën kontroll një të pestën e Ukrainës, nuk e ka konfirmuar apo mohuar praninë e forcave të Koresë së Veriut në rajonin e Kurskut.
PËRPARIMI RUS NË UKRAINËN LINDORE
Burimi nga Shtabi i Përgjithshëm i Ukrainës tha se aktualisht rajoni Kurakhove është më në rrezik, pasi forcat ruse po përparonin dhe kishin arritur të depërtonin në disa zona. Marrja e qytetit Krakhove nënkupton përparimin e forcave ruse drejt qendrës logjistike Pokrovsk, në rajonin e Doneskut.
Rusia ka aktualisht afro 575,000 trupa që luftojnë në Ukrainë, tha burimi, dhe synon të rrisë numrin e forcave në rreth 690,000.
Rusia nuk i bën publike të dhënat për numrin e forcave në luftime. Agjencia e lajmeve Reuters nuk mundi t’i verifikonte këto shifra./ VOA
Lajme të tjera
-
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
-
Përdorimi i raketave të avancuara nga Rusia, sinjal për Perëndimin
22 Nëntor, 07:40
