Të kapësh peshkun me duart e tua dhe pa asnjë veshje të posaçme për të gjuajtur nën ujë është diçka e pamundur për shumicën e personave, por jo për Doug Owen. 

Doug ka postuar një video në youtube që pasi hidhet në një liqen, i veshur vetëm me rroba banjo, pas disa sekokndash del nga uji duke mbajtur peshkun në dorë. E gjithë ngjarja filloi kur gruaja e tij e pyeti se çfarë do të hanë për darkë. 

Dhe sapo ajo i sugjeron që të hanë peshk, Doug nuk hezitoi t’i plotësonte dëshirën gruas së tij dhe u zhyt menjëherë nën ujë. E bindur se burri i saj nuk do t’ia dilte, ajo ka mbetur e habitur kur ai doli nga uji duke shtrënguar fortë peshkun që kishte kapur. “Po tallesh me mua”, tha gruaja e habitur!
 
Por, të gjithë përdoruesit e internetit që kanë parë këtë video në youtube e kanë cilësur burrin që kapi peshkun si një njeri dinak. Ata janë shprehur se kjo gjë nuk është e vertetë dhe se ai e kishte fshehur troftën në pantallonat e tij.
 
Nga ana tjetër, Doug është i bindur se veprimi i tij është absolutisht i vërtetë, i cili e përforcon arsyetimin e tij duke thënë se trofta nuk ishte e fshehur në ndonjë kafaz apo të ishte e lidhur. Ai gjithashu thekson se video nuk është e montuar, pasi sipas tij, nuk është aq i zgjuar që të mendojë gjëra të tilla.