Bursat për studentët, ja rastet
kur nuk përfitohet nga skema

TIRANE- Bursat për vitin 2015-2016 do të jepen për nxënësit dhe studentët të cilët nuk kanë të ardhura apo vijnë nga shtresat në nevojë. Por këtë vit qeveria ka parashikuar që vajzat të kenë përparsi para djemve në lidhje me marrjen ose jo të bursës. “Njësitë bazë të qeverisjes vendore, bazuar në planin e përcaktuar për to, vendosin, me vendim të këshillit të bashkisë, dhënien e bursave duke u dhënë përparësi nxënësve ose studentëve nga kategoritë sociale në nevojë, për trajtimin me bursë të plotë dhe për kushte të barabarta në trajtimin me bursë. Prioritet kanë nxënëset vajza. Njësitë bazë të qeverisjes vendore, në pamundësi trajtimi me bursë të plotë, brenda planit të miratuar, mund të trajtojnë për nxënësit dhe studentët edhe  gjysëm burse’, - përcakton vendimi i ri i qeverisë.