TIRANE- Ulja e shpenzimeve për vitin 2016 duket se do aplikohet vetëm te pagat, pensionet, apo ndërtimi i rrugëve të reja, por aspak te ristrukturimi i godinave apo fondet për zbukurime të jashtme e të brendëshme, deri te tualetet e reja.

Thuajse të gjitha ministritë, ashtu si dhe institucionet kryesore të qeverisjes qendrore, kanë planifikuar ristrukturime të godinave aktuale për vitin 2016 me kosto milionë lekë. Buxheti i shtetit për vitin 2016 është miratuar tashmë nga Kuvendi në parim, dhe to të kthehet për votimin përfundimtar më 17 dhjetor, ndërkohë që opozita ka akuzuar vazhdimisht për shpërdorimin e rreth 30% të fondeve buxhetore për ristrukturime godinash e zbukurime fasadash, “Shqiptarja.com” zbardh të gjitha dikasteret e qeverisjes qendrore që kanë parashikuar ristrukturimin e godinave apo ndërtime ambjentesh të reja, me një vlerë totale prej afërsisht 25 milionë dollarësh.