Deputeti demokrat Oerd Bylykbashi tha sot se dorëheqja e Lulzim Bashës nga drejtimi i PD në thelb është një largim me turp. Për studion e emisionit ‘Kontrast’ në Report TV, Bylykbashi theksoi se qëndrimi i tij me forcë pas 9 shtatorit kur u pa se nga anonte anëtarësia, kishte si qëllim shkatërrimin e PD-së.
Bylykbashi shtoi se cikli i Bashës pavarësisht se duket i mbyllur, ai do të kërkojë të krijojë cikle të reja për veten e tij në politikë.
“Akti i dorëheqjes së Lulzim Bashës do të vlente deri në 11 Dhjetor. Kjo e sotmja është kronika e një largimi me turp. Si iku Basha? I ikën të gjithë. Iku anëtarësia, e votuesve etj. Pra është maskarada e një largimi me turp. Kush e ka njohur nga afër e di që Basha shkon deri në nivelet e marrisë. Ndaj nuk jam i surprizuar nga dorëheqja, por nga veprimet e mëtejshme pas 9 shtatorit kur ishte e dukshme që anëtarësia ishte kundër tij. Dhe qëndrimi dukej i qëllimshëm për të shkatërruar Partinë Demokratike. Edhe pse nuk iku në 25 Prill, na mblodhi dhe na pyeti se si ta quajmë procesin e zgjedhjeve dhe i pëlqeu fjala masakër. Edhe pse nuk ishim në ato kushte. Mesazhi që sot marrin të gjithë shqiptarët është që cikli i tij ishte mbyllur dhe ai do të përpiqet të krijojë cikël tjetër. Por ky mesazh vlen më shumë për anëtarët e Partisë Demokratike” – tha Bylykbashi për “Kontrast” në Report TV.
Pyetjes se a mund të jetë sali Berisha kapitulli i ri i Partisë Demokratike, Bylykbashi iu përgjigj nuk duhet të biem në kurthin e emrave, por në procesin se si ka ardhur Partia Demokratike deri në largimin e Lulzim Bashës. Sipas tij, tani mbetet detyrë e Berishës që nëse vjen në krye të PD-së përmes zgjedhjeve, të vërë në jetë statutin e 11 dhjetorit.
“Ne bëmë një udhërrëfyes që kishte tre komponentet. I pari ishte ai politik që udhëhiqej nga Berisha dhe Foltoret. E dyta ai statutor që na bashkonte dhe i treti komponenti organizativ që u konfirmua në 11 dhjetor në mënyrë spektakolare. Ajo që synohet është ndarja e pushtetit me organet apo futja e elementëve si referendum, primaret etj. E gjitha mund të mbetet në letër nëse në nuk i japim hapësirë kësaj. Kjo duhet të jetë Partia Demokratike nesër. Berisha është autor dhe protagonist i kësaj sepse e ka detyrë më shumë se kushdo. Për Sali Berishën do të jetë guri i madh i themelit për këtë PD që propozoi ai. Asnjë nga anëtarët e PD nuk ka pasur ndonjë iluzion se kjo do t’ia heqë non-gratan Berishës. Por një Sali Berishë i cili merr drejtimin e PD me zgjedhje dhe vë në punë atë statut të ri që ka potenciale të jashtëzakonshme, jam i bindur që 2023 do të jetë një përballje elektorale krejt e ndryshme dhe pozitive” – tha Bylykbashi për emisionin ‘Kontrast’.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11
Bylykbashi ti lere marrinat dhe beje ndonje pune. Meqe ja ka marre doren kodit zgjedhor si ekspert i lashte i OSCE, te mbledhe ca juriste dhe vereke punen e kodit zgjedhor dhe KQZ qe le qe kane me se dy vjet qe skane bere asgje per voten e atyre qe ndodhen jashte vendit, por vete kodi kufizon ne menyre antikushtetuese votimin nga jashte vetem per ata me rezidence te "perhershme". Ata qe mund te jene me te perkoheshme, psh., edhe nje ambasador shqiptar jashte vendit, nuk mund te votoje!!! Le puntore apo studentedhe vizitore sic mund te jene shumica. Asnje subjekt nuk fiton dot ndaj organizates socialkorruptiste rilindja nese perjashtohen nga votimi zgjedhesit jashte vendit. Sepse thjesht do votohet nga 30% brenda vendit nga ku PS i ka te blere 15-18% te votave. Edhe nje vit sabotim i duhet Rames per zfjedhesit jashte me ne krye shokun Celibashi dhe e kenibte mbushme serish humbjen ju e kushdoqofte.
Përgjigju