Receta

Byrek me 12 jeshillëqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 14 Mars 2022, 12:14 | Përditesimi: 14 Mars 2022, 12:15

Byrek me 12 jeshillëqe

Përbërësit:

1 tufë spinaq

LEXO EDHE:
Pulë me oriz në furrë nga zonja Albana

1 tufë pazi

1 tufë lëpjetë

1 tufë hithra

1 tufë çikore

1 tufë labot

1 tufë lulëkuqe

1 tufë nena

1 tufë koper

1 tufë nenexhik

1 tufë majdanoz

1 tufë qepë të njoma

1 kokërr vezë

1 gotë kos

3 lgj vaj ulliri

1 lgj gjalpë

1 pako peta

djathë të bardhë

Përgatitja:

Fillimisht lajmë jeshillëqet me ujë të bollshëm. Më pas i kalojmë në ujë të vluar, i lemë 2 minuta. Pasi i kullojmë shtojmë djathin e thërrmuar, vezën dhe gotën e kosit. Rregullojmë shijen me kripë dhe në fund shtojmë bimët aromatike dhe qepën e njomë të grirë hollë. Lyejmë një tepsi me vaj dhe shtrojmë petë duke i spërkatur me vaj. Vendosim një shtresë me mbushje, përsëri petë, mbushje, petë. Rregullojmë anësoret e byrekut, e spërkasim në fund sipërfaqen me qumësht dhe e vendosim në furrë të parangrohur në temperaturën 180 gradë Celsius për 35-40 minuta.

MC/Shqiptarja.com

TAG: