Receta

Byrek me gjizë dhe spinaq nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 25 Prill 2022, 12:34

Byrek me gjizë dhe spinaq

Përbërësit:

500 gr miell

LEXO EDHE:
Bakllava me kadaif dhe arra nga zonja Albana

1 lgj kripë

1 lgj uthull

1 lgj vaj

300 gr gjizë

1 kokërr vezë

200 gr spinaq

1 tufë koper

Piper i zi, piper i kuq

Niseshte për hapjen e petëve

Përgatitja:

Fillimisht përgatisim brumin e byrekut. Brumi ështe i rëndësishëm që të punohet mirë derisa të fitojë elasticitet. E lemë brumin të pushojë për të paktën 30 minuta dhe më pas hapim brumin në 6 kuleçë. Spërkasim tryezën e punës me niseshte dhe hapim 6 petë të mëdha të cilat i vendosim njëra mbi tjerën duke lyer çdo petë me vaj ulliri. Në një tas vendosim bishtat e qepëve të njoma të grira imët, spinaqin e grirë imët, majdanoz ose kopër, gjizë pa kripë dhe një vezë. E trazojmë mirë dhe vendosim mbushjen në qendër të petëve të hapura. E mbështjellim petën si një bohçe duke mbuluar të gjithë mbushjen. E spërkasim me pak miell dhe niseshte dhe e kalojmë dhe njëherë okllain mbi byrekun e mbushur. E vendosim byrekun duke e kthyer përmbys në një tepsi, lyejmë sipërfaqen mirë me yndyrë dhe e vendosim byrekun të piqet në furrë të parangrohur në temperaturën 180 gradë Celsius për 30-35 minuta.

MC/Shqiptarja.com

TAG: