Receta

Byrek me mëlçi, mish pule dhe qepë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 20 Dhjetor 2022, 10:34 | Përditesimi: 20 Dhjetor 2022, 10:35

Byrek me mëlçi, mish pule dhe qepë
Përbërësit:

1 pako petë të pjekura
3 petë të bëra vetë
3 qepë të thata
250 gr mëlçi
½ pulë
1 lgj nenexhik
Spec djegës
Kripë, piper
Vaj ulliri

Për brumin e petëve të hapura vetë:

300 gr miell
3 pika uthull
6 pika vaj ulliri
Ujë të vakët
Kripë

Përgatitja:

LEXO EDHE:
Bakllava me kadaif dhe arra nga zonja Albana

Thërrmojmë petët e pjekura në një enë ku shtojmë nenexhik dhe vaj ulliri.
Zemë brumin për petët e njoma dhe hapim 3 petë të cilat i shtrojmë në një tepsi. Vendosim më pas petët e pjekura të thërrmuara duke sistemuar anësoret e petëve të njoma. E vendosim tavën në furrë të parangrohur në 180 gradë për 25 minuta.
Ndërkohë në një tigan kaurdisim qepët e grira imët më pak kripë. Sapo qepët të bëhen transparente shtojmë mëlçitë e prera imët. Mishin e pulës e kemi zjerë dhe e bëjmë fije-fije. E shtojmë dhe mishin e pulës tek qepët e kaurdisura me mëlçitë. Rregullojmë shijen me kripë, piper dhe erëza sipas dëshirës. Këtë masë e vendosim mbi byrekun e pjekur. Në fund e lagim byrekun me pak nga lëngu i pulës dhe e rivendosim përseri në furrë për 20 minuta.