Receta

Byrek paçavure me qumësht dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 9 Dhjetor 2022, 12:47 | Përditesimi: 9 Dhjetor 2022, 12:48

Byrek paçavure me qumësht dhe djathë

Përbërësit:

1 petë byreku
6 kokrra vezë
200 gr djathë kaçkavall i butë
200 gr djathë i bardhë
500 ml qumësht
30 gr gjalpë
Kripë, arrë moskat

Përgatitja:

LEXO EDHE:
Bakllava me kadaif dhe arra nga zonja Albana

Rrahim vezët në një tas, shtojmë qumështin, djathin e grirë kaçkavall, djathin e bardhë të thërrmuar, kripën dhe arrën e moskatit.

Petën e gatshme të byrekut siç është tub e presim në shirita 5 cm. I hapim më pas shiritat fije fije dhe i vendosim në enën ku kemi qumështin me vezët. I trazojmë mirë dhe të gjithë masën e hedhim në një tavë. E vendosim byrekun paçavure të piqet në furrë të parangrohur në temperaturën 180 gradë Celsius për 40 minuta.