POP 5

Lajmet më të lexuara të 5 minutave të fundit

Politikë

Lajme nga emisionet

Çaça në ‘Repolitix’: Berisha nuk e ka mbështetjen nga shumica e grupit parlamentar! Kalaja: Nuk mund të ketë bashkim, procesi është i njëanshëm

Ndonëse sillet si kryetari i Partisë Demokratike, Sali Berisha nuk e ka mbështetjen e shumicën e grupit parlamentar. Kështu deklaron në emision ‘Repolitix’ në Report Tv, anëtari i Këshillit Kombëtar të PD-së, Përparim Çaça.

TIRANË- Ndonëse sillet si kryetari i Partisë Demokratike, Sali Berisha nuk e ka mbështetjen e shumicën e grupit parlamentar. Kështu deklaron në emision ‘Repolitix’ në Report Tv, anëtari i Këshillit Kombëtar të PD-së, Përparim Çaça. Sipas tij, zgjedhjet që ka nisur Berisha në bazë për të riorganizuar degët është një proces përjashtimi, që nuk i shërben aspekt në këtë moment situatës në PD dhe bashkimit të demokratëve.

“Berisha nuk e ka maxhorancën e grupit parlamentar. Sot ka qenë debat edhe në kuptimin e llogaridhënies së Berishës për gjithë procesin në bazë. Nuk është proces bashkimi, por përjashtimi. Proces që kërkohet të bëhet një parti seç e ka pas menduar Berisha dhe po ecet në atë trajektore. Në fier nga 5 mijë anëtarë kanë votuar rreth 804 persona, pjesëmarrje e ulët. Grupi ka pasur që të shtyhen zgjedhjet në bazë për kryetarët dhe kuvendi i 30 prillit”, tha Çaça në Repolitix.

Anëtari i Këshillit Kombëtar Aulon Kalaja thotë se në këtë moment partia po udhëhiqet nga Sali Berisha, pavarësisht se ende nuk ka një vendim të formës së prerë nga Gjykata e Apelit. Kalaja thotë se kjo duket vetëm nga qëndrimi i grupit parlamentar që i kërkon Berishës të ndalë zgjedhjet që ka nisur në bazë, por edhe Kuvendin Kombëtar të thirrur më 30 prill. Ai thekson se procesii zgjedhjeve që po organizon Berisha është i njëanshëm dhe nuk mund të sjellë bashkimin e demokratëve.

“Është fakt që po ecet sipas axhendës së Sali Berishës, po shihet që është kërkuar nga shumica e grupit shtyrjen e kuvendit, kemi Berishën që udhëheq dhe kemi grupin që i kërkon spostimin e axhendës. Bashkimin e kërkojnë brenda Kuvendit që po organizon Berisha. Nuk mund të ketë bashkim në një proces që është deri diku i njëanshëm. Organizmi që po bëhen në degë, 4 degë kanë përfunduar, të dielën tjetër janë pothuajse treçereku i Shqipërisë, do përfundojë brenda datës 20”, tha Kalaja.

Sot deputetët e PD-së zhvilluan një mbledhje që zgjati plot 7 orë, por pavarësisht kësaj nuk u arrit në asnjë zgjidhje konkrete që do të çonte në bashkimin e demokratëve. Për Enkelejd Alibeajn, Sali Berisha i shpallur 'Non Grata' duhet të qëndrojë jashtë grupit të PD dhe të Rithemelimit, e të pezullojë zgjedhjet në bazë. Ndërsa Berisha nuk tërhiqet, por akuzoi diplomatët se po i ushtrojnë presion Apelit për kuvendin e 11 dhjetorit. E vetmja pikë që duket se i afronte disi ishin propozimet e Lefter Gështenjës. 

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33