POP 5

Lajmet më të lexuara të 5 minutave të fundit

Kronikë

Rrjedhje gazi/ Helmohen 18 gra në fasoneri në Durrës, njëra shtatzënë, spitali: S’janë rëndë (Inspektorati gjobit dhe pezullon firmën)

Helmohen 18 gra të një fasonerie në Durrës. Punonjëset e rrobaqepësisë janë paraqitur në spital me marrje mendsh dhe këputje trupi. Sipas policisë shkak i helmimit të punonjëseve në fasonerinë Albastar ka qenë rrjedhja e gazrave në tubin e aspirimit, që nxjerr jashtë gazrat e kaldajës së hekurosjes. Ky është rasti i dytë brenda pak ditësh në të njëjtën fasoneri.

DURRËS-18 gra dhe vajza janë helmuar mëngjesin e sotëm në një fasoneri që ndodhet në zonën e Fllakës, afër mbikalimit në autostradë. Punonjëset e rrobaqepësisë janë ndjerë keq dhe kanë pasur marrje mendsh e këputje, e për këtë arsye, janë dërguar me urgjencë në spitalin e Durrësit. Report Tv sjell pamjet nga spitali i Durrësit, ku duket edhe fluksi në Urgjencë, teksa disa prej punonjëseve qëndrojnë nga dy në një shtrat.

Mes grave që janë helmuar njëra prej tyre është shtatzënë, ndërsa është dërguar në Shërbimin e Obstetrikës. Ndërkohë që disa prej punonjëseve të tjera kanë pasur probleme me sytë dhe janë dërguar në repartin e Okulistikës. Pas marrjes së ndihmës së parë disa nga punonjëset janë larguar për në banesat e tyre, ndërsa 7 prej tyre ndodhen jashtë rrezikut për jetën nën kujdesin e mjekëve.

Drejtoresha e Spitalit të Durrësit, Nadire Jani u shpreh se gjendja e grave është relativisht e mirë.”Gjendja është relativisht e mirë, nuk janë të sëmura rëndë, më shumë i ka kapur paniku, kanë marrje mendsh, u vjen edhe për të vjellë. Shifrat e tensionit janë normal, ka një ulje të oksigjenimit në organizëm, ata që kanë qenë në gjendje më të mirë i kemi çuar në pavione, pasi kanë nevojë për oksigjen. Situata po stabilizohet” tha ajo

Sipas policisë shkak i helmimit të punonjëseve në fasonerinë Albastar ka qenë rrjedhja e gazrave në tubin e aspirimit, që nxjerr jashtë gazrat e kaldajës së hekurosjes. Ndërkohë që priten analizat toksikologjike për shkakun zyrtar, Inspektorati Shtetëror Shëndetësor dega Durrës ka pezulluar aktivitetin e fasonerisë deri në datë 7 shkurt, ndërsa e ka gjobitur 500 mijë lekë për mungesë të kushteve higjeno-shëndetësore. Prokuroria, policia dhe Inspektorati Shtetëror Shëndetësor ushtruan menjëherë kontrolle në ambientet e fasonerisë pas ngjarjes duke pezulluar punën deri në përfundim të hetimeve.

Në këtë fasoneri ky është një rast i përsëritur, pasi edhe në 24 nëntor të vitit të kaluar, 40 punonjëse u helmuan, ndërsa policia deklaroi asokohe se shkak ishte bërë çmontimi i kondicionerëve,të cilët lëshuar gaz (lexo këtu)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon votimin e detyrueshëm, jeni dakord?

Lajme të tjera



×

Lajmi i fundit

Me zërin mahnitës, 11-vjeçarja nga Lezha përfaqëson për herë të parë Shqipërinë në Sanremo Junior

Me zërin mahnitës, 11-vjeçarja nga Lezha përfaqëson për herë të parë Shqipërinë në Sanremo Junior

19 Prill, 09:54