TIRANË- Fundi i vitit 2020 për PD-LSI ka qenë shumë i ngarkuar duke u ‘ankuar’ në KQZ për aktivitetet të ndaluara sipas tyre të bëra nga PS-ja! Anëtari i Komisionit Rregullator, Dritan Çaka nuk dha një numër konkret se sa ka qenë numri i ankesave të PD-LSI, por tha se kanë të bëjnë kryesisht me dhënie legalizimesh dhe së fundmi edhe dhënien e çelësave të shtëpive të dëmtuara nga tërmeti i 26 nëntorit.
“Nuk mund të paraqesin ankesa vetëm individët, se mund ta bëjnë edhe persona juridik, apo parti të ndryshme siç është PD dhe LSI. Këto kanë depozituar ankesa, kryesisht kanë të bëjnë me shkelje të pretenduara me shpërndarjen e lejeve të legalizimeve apo me aktivitete publike që janë zhvilluar nga institucionet, ku ka pasur raste që nuk janë raportuar në ndërfaqe, se edhe mos raportimi 5 ditë përpara se të zhvillohet aktiviteti përbën shkelje. Pas datës 25 dhjetor dhe periudha më kryesore ka qenë ajo e ditëve të fundit të vitit të kaluar, por edhe për një sërë aktivitetesh në fillim janari. Ka dhe me dhënien e çelësave të banesave të dëmtuara nga tërmeti, këto janë ankesat e fundit”, tha Çaka.
Në Report TV, i ftuar në ‘Sot Live në Shqipëri’, Çaka ka sqaruar se cilat janë ato aktivitete që janë të ndaluara, pasi sipas tij ka jo pak raste një lexim jo të mirë të këtij urdhri.
“Duhet theksuar se jo çdo aktivitet duhet të raportohet te KQZ, janë ato aktivitete ku nuk ka prezencë të publikut apo të medias. Ndalohen ato raste që kanë të bëjnë me fonde që janë lëvruar pas datës 25 dhjetor, jashtë buxhetit të miratuar më parë nga çdo institucion. Ka dhe një farë një lexim jo të mirë të aktit, por jo çdo veprimtari apo kryetar bashkia është e ndaluar. Nëse janë nisur më parë, nëse janë veprimtari që nuk kanë të bëjnë me shpërndarjen e lejeve të legalizimit të certifikate, të kontratave, nuk ndalohen”, tha ai.
Deri më tani, KQZ nuk ka ndaluar zhvillimin e asnjë aktiviteti. “Deri tani nuk kam informacion që janë ndaluar aktivitet, por kjo nuk do të thotë që në të ardhmen nuk do të ndodh se varet nga lloji i aktiviteti”, tha Çaka.
Çaka ka treguar me detaje se si një qytetar mund të bëjë një denoncim dhe hapat që ndjek më pas KQZ deri në marrjen e një vendimi që është ose gjobë ose rrëzim të padisë së denoncuesit.
“Pranë KQZ është ngritur një ndërfaqe, ku çdo qytetarë mund të aksesojë një ndërfaqe, dhe kur konstaton që funksionarët që janë objekt i kësaj vendimmarrje kanë shkelur këtë vendim, mund të bëjnë ankesa drejtpërdrejtë. Çdo qytetar mundet të deklarojë në këtë ndërfaqe problematikën, cili është funksionari publik që e ka pasur të ndaluar ta bënte këtë veprimtari, çfarë provash disponon, foto apo filmime dhe më pas do të jenë pjesë e një shqyrtimi administrativ që do bëj KQZ. Kur KQZ merr një ankesë cakton një seancë dëgjimore që t’i jepet mundësia palës së akuzuar të japë pretendimet e saj, dhe kjo palë me prezencë personale ose avokati, mund të paraqesë kundër prova apo kundër argumente dhe Komisioni Shtetëror i Zgjedhjeve, kur të marrë mendimin e 2 palëve, duke u bazuar provat që kanë vënë palët në dispozicion do të marrë një vendim, ose duke e dënuar me gjobë ose duke rrëzuar kërkesën. Pasi të mbarojë kjo mund të ankohet vendimi”, përfundoi Çaka në studion e Report TV.
KQZ me anë të një urdhri të marrë më 18 dhjetor, mori vendimin për të kufizuar qeverinë qeverinë 4 muaj para zgjedhjeve, ku ndalon zhvillimin e aktiviteteve që josh zgjedhësit, si dhurimi i shtëpive dhe shpërndarja e lejeve të legalizimeve.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55
