POP 5

Lajmet më të lexuara të 5 minutave të fundit

Politikë

Cakaj: Mbyllëm tre marrëveshje me Kosovën për politikën e jashtme dhe integrimin

Gent Cakaj deklaroi se sot ka mbyllur tre marrëveshje me Kosovën në fushën e politikës së jashtme dhe integrimit evropian.

Cakaj: Mbyllëm tre marrëveshje me Kosovën për politikën e jashtme dhe integrimin

TIRANE-Ministri në detyrë për Evropën dhe Punët e Jashtme, Gent Cakaj, ka bërë me dije në një reagim në Facebook, se sot janë mbyllur tre marrëveshje me Kosovën në fushën e politikës së jashtme dhe integrimit evropian.

Sipas ministrisë së Jashtme, së pari me ministrin e Integrimit Evropian, Blerim Reka është mbyllur marrëveshja për të shkëmbyer përvojat dhe ekspertizën në çështje të organizimit të strukturave përgjegjëse për integrim, procesit të përafrimit të legjislacionit dhe bashkëpunim më të përgjithshëm politik në kuadër të synimit për anëtarësim në Bashkimin Evropian.  “Tani e tutje, dy Ministritë çdo vit do të organizojnë edhe konferencën e përbashkët për diskutim e shtjellim të shumë çështjeve që lidhen me integrimin evropian.”- theksoi Cakaj në reagim.

Së dyti, me ministrin e Punëve të Jashtme dhe Diasporës, Glauk Konjufca është mbyllur marrëveshja për fuqizimin e diplomacisë publike, mes të tjerash, duke përcaktuar një listë konkrete të aktiviteteve për promovimin e imazhit dhe prodhimeve të dy vendeve, si dhe unifikimin e kalendarit të aktiviteteve kulturore. Gjithashtu, është mbyllur edhe marrëveshja për punën e bashkërenduar në fushën e politikës së jashtme, që përmban edhe krijimin e një skuadre me përfaqësues specialë për mbrojtjen e interesave të dy vendeve.

Për më tepër, Cakaj bëri me dije se nëpërmjet një letre zyrtare, i ka kërkuar pëlqimin ministrit Konjufca për të vazhduar projektin e zhvillimit të Ambasadave dhe Konsullatave me hapësira të përbashkëta. “Pavarësisht pandemisë, puna jonë nuk është ndalur dhe përkushtimi ynë për maksimizim të bashkëpunimit me Kosovën është i patjetërsueshëm.”- përmbylli reagimin e tij Cakaj.​

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • iteligjenti i vogel: 25/04/2020 01:23

    po kjo esht arritje marrveshje me kosoven qe as shkoller nuk njihen ne kosov arritje te medha po bo ky i vogli

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57