Viti që po mbyllet ka sjellë problematikë më serioze për autoritetet e Emergjencave Civile dhe institucionet e linjës, që kanë për detyrë menaxhimin e situatës së zjarreve në vend.
Rezulton nga shifrat zyrtare të regjistruara, se deri tani zjarret kanë dëmtuar 43466 hektarë tokë me kullota, pyje, bimësi dhe ullishta e pemëtari, me 1077 vatra zjarri në total (mesatarja mbi 100 vatra zjarri çdo muaj, ose 3-4 në ditë). Nga këto, 98% të rasteve konfirmohet se “janë të shkaktuara nga dora e njeriut”.
Shifrat i publikoi sot (17 Shtator) drejtori i Përgjithshëm i Emergjencave Civile, Haki Çako, në seancën dëgjimore në Komisionin për Sigurinë Kombëtare, për raportimin vjetor të veprimtarisë së institucionit të Drejtorisë së Emergjencave Civile për vitin 2023.
“Sa i takon ngjarjeve të rreziqeve natyrore të ndodhura për vitin 2023, janë raportuar gjithsej përmbytje minimale në nivel kombëtar, por ka pasur 544 vatra zjarri dhe lëkundje tërmeti”, u shpreh ai.
Kurse për hartën gjeografike të fenomeneve të zjarreve dhe fatkeqësive të tjera natyrore ai tha:
“Bashkitë më të prekura kanë rezultuar Vlora, Shkodra, Selenica, Fieri, Lushnja me një sipërfaqe totale të dëmtuar prej 4200 hektarësh”, u shpreh ai për shifrat e vitit të shkuar.
Çako theksoi se, “në menaxhimin e emergjencave të ndodhura për vitin 2023, janë angazhuar kapacitete në nivel qendror dhe vendor, në total 19 mijë forca operacionale, 2 543 mjete, përfshirë këtu edhe përdorimin e helikopterëve ‘Cougar’ të Forcave të Armatosura”.
Mekanizmi Evropian i Mbrojtjes Civile, sipas tij, është aktivizuar në një rast gjatë viti 2023 në situatën e menaxhimit të zjarrit në Pishë Poro të Fierit.
Kurse vetë Shqipëria ofroi mbështetje operacionale të kërkim shpëtimit në partnerët tanë në Turqi, gjatë periudhës shkurt 2023 në tërmetin e rënë, si dhe gjithashtu në Greqi për shuarjen e zjarreve në zonën e Aleksandropulis në gusht të 2023, përmes një misioni që zgjati 15 ditë.
“Kurse viti 2024 paraqet një situatë shumë serioze të zjarreve masive ku sipërfaqja e dëmtuar rezulton të jetë 43 466 hektarë me 1077 vatra zjarri, me 98% të rasteve të shkaktuara nga dora e njeriut”, tha drejtori i EC.
Kjo ka kërkuar angazhimin e 27 880 forcave operacionale dhe 2 635 mjeteve të angazhuara.
“Gjatë këtij viti është aktivizuar 4 herë mekanizimi Evropian i Mbrojtjes Civile në rastin e menaxhimit të zjarreve në Dropull, në Vlorë, në Lezhë, respektivisht me kontributin e partnerëve tanë të qeverisë greke, italiane dhe rumune”, tha Çako.
Çako nënvizoi edhe procesin e kompensimit të dëmeve.
“Humbjet apo dëmet e shkaktuara ndër vite janë një përgjegjësi e shtetit shqiptar dhe ato tashmë janë marrë në konsideratë dhe mbi bazën e aktit normativ, i cili është kaluar këto ditë, qeveria ka marrë në konsideratë një debi të konsiderueshme për kompensimin e qytetarëve në nivel kombëtar dhe 1.5 miliardë lekë do të kalojnë shumë shpejt për të kompensuar të gjithë trashëgiminë që buron nga detyrimi i ligjit 45, për mbrojtjen civile dhe të gjitha fatkeqësitë”, tha ai.
Deputeti i Partisë Demokratike, Ferdinand Xhaferraj u shpreh se është pozitive që gjatë vitit 2023 janë kaluar 5 VKM, të cilat ai i konsideroi si nisma pozitive për punën e Emergjencave Civile. Më tej, ai foli lidhur me tërmetin e 2019-ës, duke u shprehur se vendi ynë u gjet i papërgatitur.
Komente
Lajme të tjera
-
Drejtori i Policisë, Proda tek 'Siguria': Për masakrën e Shkodrës shpejt kemi rezultate, e them me garanci! Na financoni 50 % e flotës e amortizuar, i marrim me qira! Shtohen dhe 500 efektivë
13 Nëntor, 13:33
-
Në 2025 ndërtohet burgu i Kukësit! Merr jetë projekti anti-dronë
12 Nëntor, 17:09
-
Emergjencat civile apel bashkive: Nga e enjtja nisin shirat merrni masat, kontrolloni kanalet
12 Nëntor, 13:35 -
“Në 2025, 2 avionë për zjarret dhe stërvitje!” Xhaferraj përplasje me ministrin e Mbrojtjes në kuvend
11 Nëntor, 17:07
-
Debate te Komisioni i Sigurisë/ Vengu: Buxheti me rritje, kap 2% e vendosur nga NATO! Kampus i ri për ushtrinë! Xhaferraj: Mos bëj ironi, je për SPAK
11 Nëntor, 14:44 -
Çelen aplikimet për projektet e Mbrojtjes Civile, Vengu – bashkive: Aplikoni! Paketë edhe për zonat e thella
25 Tetor, 20:47 -
Zjarret e furishme në Greqi, Shqipëria i shkon në ndihmë me 30 efektivë zjarrfikës dhe 5 mjete: Do qëndrojnë deri në stabilizimin e situatës
2 Tetor, 08:08 -
‘Siguria’/ Raporton kreu i Burgjeve, Qose: Duhen sisteme anti-dronë! Përmes dronëve mund të organizohen vrasje në burgje! Burgu i Lezhës me të sëmurë mbi kapacitetet
16 Shtator, 12:41 -
Situata e zjarreve në vend, 31 vatra në 24 orë, vetëm 3 janë ende aktive! Ministri Vengu: Situata paraqitet më e qetë
19 Gusht, 09:52 -
Bilanci i zjarreve: Që nga muaji janar janë djegur 29143 ha me pyje dhe javën e fundit 2390 ha
16 Gusht, 13:03 -
Situata e zjarreve ende kritike, 29 vatra të rëna gjatë 24 orëve të fundit! 14 ende aktive, problematike ato në Tomor, Prespë dhe bjeshkët e Dibrës
16 Gusht, 11:56 -
Java e vështirë e zjarreve, Vëngu: 10 vatra janë ende aktive, gatishmëria është rritur! Flakët vijojnë të djegin Parkun Kombëtar të Prespës
15 Gusht, 15:44
Pse duhet t'i kompensoje shteti ato qe jane vene nga dora e njeriut,shteti i vuri ato zjarre?! Ata qe vune zjarret,ata te konpensojne te demtuarit,vetem keshtu vene mend keta!
Përgjigju