TIRANË-Në ndryshim nga 2 palët e opozitës, Partia Socialiste nuk ka propozuar një datë fikse për zgjedhjet vendore të 2023! Me bindjen se do dalin të fituar në këtë garë, kreu i grupit parlamentar socialist, Taulant Balla tha se janë dakord me çdo datë që do të dekretohet nga presidenti.
“Nuk kemi qenë të prerë në një propozim tonin, për këtë datë sepse besojmë që presidenti duhet të marrë në konsideratë të gjitha propozimet, ne jemi të gatshëm që të marrim në zgjedhje dhe t’i fitojmë ato në secilën datë”, tha Balla në përfundim të takimit të pati me Bajram Begajn.
Vendimin e kreut të shtetit për të pritur në takim edhe përfaqësues të Partisë Demorkatike të Sali Berishës, Balla nuk e interpretoi si një “njohje” të këtij institucioni të “Rithemelimit”, por tha se ishte një tregues që Presidenca për i rikthehet normalitetit. Për këtë pati vlerësime për Begajn.
“Ajo që vërej me vlerësim është gatishmëria për të dëgjuar të gjithë aktorët politik që priten që të marrin pjesë në zgjedhje. (...)Nuk di se kë ka pritur Begajn, të gjithë respektojmë ligjin dhe në këtë këndvështrim, në Kuvendin e Shqipërisë kryetari i grupit parlamentar, janë Mediu, Doda, dhe Alibeaj, pastaj nëse deputet të caktuar kërkojnë takime me president të republikës, mendoj se edhe ndonjë deputet socialist mund të kërkoj takim me presidentit”, tha Balla.
Ai është ndalur të flasë edhe për Reformën Territoriale, për të cili këmbënguli që asnjëra palë të mos i imponohet tjetrës, por t’i lihet puna në dorë të ekspertëve. Ndërkohë, ai nuk dha asnjë përgjigje nëse ishte dakord apo kundër propozimit të mbërritur nga opozita për 94 bashki dhe 3-6 rajone.
Pas Ballës në takim, shkoi edhe Shpëtim Idrizi nga PDIU. Zgjedhjet vendore të 2023 priten të mbahen nga periudha 14 prill-14 maj. Opozita sërish është e përçarë. PD-ja e Berishës kërkon që zgjedhjet të zhvillohen në afatin maksimal që e lejon ligji, e ndërsa Enkelejd Alibeaj ka paraqitur kërkesën që gara për Bashkitë të mbahen sa më shpejt.
Kreu i grupit parlamentar të PS, Taulant Balla ka folur për reformën territorial duke thënë se asnjë prej palëve nuk mund të impronohet, megjithatë theksoi se duhet që ekspertët t’i vënë ‘vulën’.
“Të presim këndvështrimet e të gjitha palëve të përfshira. Kërkesa ime dhe për kolegët e opozitës është që asnjëra prej palëve nuk mund të imponohet. Shumica ka të drejtën të ushtrojë të drejtën që i jep fakti i të qenurit shumicë. Mirëpres që të gjithë anëtarët e komisionit të vijojnë punën e tyre dhe t’i lëmë vend ekspertëve”, tha Balla.
Sa i përket zgjedhjeve lokale, u shpreh i bindur se do të marrin fitoren duke theksuar se kanë bërë punë të shkëlqyer me bashkitë.
“Do më duheshin 2 ditë të flisja për këtë cështje. Nesër dhe pasnesër do të kemi raportim të 59 kryetarëve të bashkive në një takim që po kthehet në një traditë dhe eksperiencë të shkëlqyer. Mendoj që do të kemi kohë të flasim, por në secilën prej bashkive kemi bërë një punë të shkëlqyer, Gjithmonë ka vend për të bërë më shumë, por është e sigurt që cdo shqiptar e shqiptare e di që s’jemi më të mirët, por më të mirë se ne nuk ka”, tha Balla.
Partia Socialiste nuk ka një datë të preferuar për zgjedhjet vendore.
“Nuk kemi qenë të prerë në një propozim tonin, për këtë datë sepse besojmë që presidenti duhet të marrë në konsideratë të gjitha propozimet, ne jemi të gatshëm që të marrim në zgjedhje dhe t’i fitojmë ato në secilën datë, ajo që vërej me vlerësim është gatishmëria për të dëgjuar të gjithë aktorët politik që priten që të marrin pjesë në zgjedhje”, tha kreu i grupit parlamentar të PS-së, Taulant Balla.
Ai komentoi edhe takimin që Begaj bëri me përfaqësuesit e PD-së së Berishës.
“Nuk di se kë ka pritur Begajn, të gjithë respektojmë ligjin dhe në këtë këndvështrim, në Kuvendin e Shqipërisë kryetari i grupit parlamentar, janë Mediu, Doda, dhe Alibeaj, pastaj nëse deputet të caktuar kërkojnë takime me president të republikës, mendoj se edhe ndonjë deputet socialist mun të kërkoj takim me presidentit”, tha Balla.
Komente
Lajme të tjera
-
Krishtlindjet/ Politika uron besimtarët, vizita në Katedralen Katolike dhe Ortodokse! Begaj: Të rindërtojmë urat e komunikimit
25 Dhjetor, 11:40 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Shqipëria mbetet pa ambasador në Zvicër, Mustafa Nano jep dorëheqjen
24 Dhjetor, 22:48 -
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
Po Shpetim Idrizin c’fare e do, o komandant?
Përgjigju