POP 5

Lajmet më të lexuara të 5 minutave të fundit

Sport

Caktohen gjysmëfinalet e Europa dhe Conference League, Roma e Kumbullës drejt finales së Tiranës

Atalanta e Berat Gjimshitit dhe Barcelona i kanë dhënë lamtumirën Europa League në fazën çerekfinale. Ndërkohë janë përcaktuar çiftet gjysmëfinaliste ashtu si edhe në kompeticionin tjetër Conference League, finalja e së cilës do luhet në Tiranë.

Eitracht Frankfurt ka bërë surprizën e madhe në çerekfinalet e Europa League, duke eliminuar Barcelonën pretendente. Pas barazimit 1-1 në Gjermani, mbrëmjen e kaluar në Camp Nou gjermanët fituan me rezultatin 2-3, duke i shkaktuar humbjen e parë katalanasve që prej muajit janar. Deri në minutën e 90 Frankfurt udhëhiqte 0-3, por Barcelona arriti të shmangte turpin duke realizuar dy herë me Busquets dhe Depay-n.

Në gjysmëfinale gjermanët do përballen me West Ham. Anglezët eliminuan Lyon falë fitore 0-3 në ndeshjen e kthimit të zhvilluar në Francë. Sakaq gjysmëfinalja tjetër do jetë një përplasje gjermano-skoceze, pasi Leipzig që eliminoi Atalantën falë fitores 0-2 në Bergamo do përballet me Rangers. Këta të fundit arritën të prëmbysnin humbjen 1-0 të ndeshjes së parë kundër Bragës, pasi në shtëpinë e tyre fituan 3-1.

Ndërkohë në kompeticionin tjetër të Conference League në gjysmëfinale ka shkuar Roma, që falë fitores 4-0 eliminoi makthin e saj Bodo Glint. Ndeshja e parë ishte fituar 2-1 nga norvegjezët, ndërsa në turin e ardhshëm italianët do përballen me Leicester. Skuadra nga Premier League eliminoi PSV falë fitores 1-2 në transfertë.

Gjysmëfinalja tjetër do jetë mes Feynordit dhe Marsejës. Siç dihet finalja e Conference League do zhvillohet në stadiumin Air Albania të Tiranës dhe premton të jetë një ndeshje më shumë shkëlqim.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Hapet edicioni i 60-të të Ekspozitës Ndërkombëtare të Artit, Shqipëria përfaqësohet nga artistja shqiptare Iva Lulashi

Hapet edicioni i 60-të të Ekspozitës Ndërkombëtare të Artit, Shqipëria përfaqësohet nga artistja shqiptare Iva Lulashi

19 Prill, 17:53