Në këtë rezolutë të miratuar me unanimitet shtatë ditë pas masakrës së kryer nga Shteti Islamik në Paris, ku si pasojë humbën jetën 130 persona, Këshilli i Sigurimit u kërkon shteteve që janë në gjendje ta bëjnë këtë, të marrin të gjitha masat e nevojshme për të luftuar organizatën xhihadiste.
"Ky votim është një moment i rëndësishëm", deklaroi Cameron në një komunikatë.
Këshilli i Sigurimit mbështeti unanimisht veprimin kundër këtij kulti të vdekjes në Siri dhe në Irak. Ai përsëriti vendosmërinë për të arritur në një zgjidhje politike të konfliktit në Siri .
"Bota është e bashkuar kundër Shtetit Islamik. Komuniteti ndërkombëtar u mblodh dhe vendosi për të mundur këtë organizatë që kërcënon popujt e çdo vendi dhe çdo feje", shtoi Cameron.
Britania e Madhe bën pjesë në koalicionin ndërkombëtar të drejtuar nga SHBA-ja që zhvillon që prej më shumë se një viti bombardime ajrore kundër Shtetit Islamik.