POP 5

Lajmet më të lexuara të 5 minutave të fundit

Bota

Camilla pati marrëdhënie me Charls kur ishte ende i martuar, Elizabeth II i jep bekimin: Do të bëhet mbretëreshë e Anglisë

Një nga figurat me kontroverse në  familjen mbretërore, dukesha Camilla do të jetë mbretëreshë e Anglisë, me bekimin e mbretëreshës Elizabeth II. Lajmin e ka bërë të ditur vetë mbretëresha aktuale në 95-vjetorin e lindjes së saj.

Dukesha Camila, bashkëshorte e Princit Charls, do të bëhet mbretëreshë në të ardhmen. Ka qenë mbretëresha Elizabeth II ajo që i ka dhënë fund çdo dileme, në 95- vjetorin e lindjes së saj. Camilla është cilësuar një figurë kontroverse, e kritikuar për marrëdhënien e saj me princ Charles në kohën kur ky i fundit ishte ende i martuar me princeshë Dianën, para se të ndërronte jetë.

Elizabeth II ka përdorur mesazhin e saj të jubileut Platinum për të mbështetur Dukeshën e Cornwall-it si Mbretëreshë, duke formësuar të ardhmen e monarkisë në momentin historik të saj. Në ndërhyrjen jashtëzakonisht të rëndësishme, sovranja 95-vjeçare shprehu ‘dëshirën e saj të sinqertë’ që Camilla, e cila filloi një lidhje me Charles kur ai ishte ende i martuar me Princeshën Diana, të njihet si Mbretëresha Consort, kur burri i saj të bëhet Mbret.

“Është dëshira ime e sinqertë që, kur të vijë koha, Camilla të njihet si Queen Consort”, shkruan ajo.

Ekspertët e quajtën mesazhin “të jashtëzakonshëm” dhe thanë se ai tregoi vendosmërinë e Mbretëreshës për të dëshmuar vazhdimësinë e një monarkie, të drejtuar nga ajo në 70 vitet e fundit.

Në mesazhin e saj, Mbretëresha Elizabetë shkruan: “Kur, në kohën e duhur djali im Charls të bëhet Mbret, e di që do t’i jepni atij dhe bashkëshortes Camilla të njëjtën mbështetje që më keni dhënë mua dhe është dëshira ime e sinqertë që, kur të vijë ajo kohë, Camilla të njihet si Mbretëresha Consort, ndërsa vazhdon shërbimin e saj besnik”.

Camilla ka refuzuar të mbajë titullin princesha e Uellsit, në nderim të princeshë Dajanës e cila humbi jetën në një aksident të rëndë më 31 gusht 1997.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57