Kështu është shprehur kapiteni i Kombëtares Lorik Cana në një intervistë për faqen zyrtare të UEFA-s.
Loriku fjalët e para i shpenzon për trajnerin De Biasi duke thënë se italiani është një person I madh që bëri histori me Shqipërinë.
Ai na ka ndihmuar shumë që të japim maksimumin dhe e ka kuptuar më së miri punën e tij.
Të luajë në Francë në shtëpinë e tij të dytë për Canën do të jetë emocionuese por ai edhe si kapiten është gati për të udhëhequr kuqezinjtë. Cana sheh Francën si favorite të grupit: “Franca është gjithmonë favorite sidomos tani që ka një brez të mirë. Me mbështetjen e tifozëve që kanë do jetë e vështirë të luash ndaj tyre”.
Në fund Lorik Cana e mbyll me pritshmëritë e Shqipërisë në këtë Europian.
Çdo skuadër vjen në Francë për të fituar dhe Shqipëria do bëjë të njëjtën gjë. Por sa e mundur do jetë kjo dhe cilat janë shanset tona kjo është tjetër gjë. Së pari ne duam të luajmë ndeshjet tona dhe të tregojmë sa vlejmë.
Redaksia Online
xh.k/shqiptarja.com