POP 5

Lajmet më të lexuara të 5 minutave të fundit

Kultura

Çashku për Festivalin në ‘Marubi’:
39 filma për të drejtat e njeriut

Edicioni i 12-të i festivalit ndërkombëtar të filmit për të drejtat e njeriut do çelet me një dokumentar të veçantë, që sheh nga brenda shtëpisë aktivitetin konkret të terroristëve sirianë.  VIDEO
Edicioni i 12-të i festivalit ndërkombëtar të filmit për të drejtat e njeriut do çelet me një dokumentar të veçantë, që sheh nga brenda shtëpisë aktivitetin konkret të terroristëve sirianë. 

Është filmi “Dugma-The Button” i regjisorit norvegjez Pal Refsdal, që do të shfaqet në mbrëmje në Akademinë e Filmit&Multimedia Marubi. Tema e këtij edicioni, është “Populizmi dhe Radikalizmi”. Kujtim Cashku drejtori i festivalit flet më konkretisht për përmbajtjen e filmave.
 
“Populizëm radikalizë, do të thotë që efektivisht nuk është thjesht për të marrë informacion në plan lokal, por mbase në plan botërorë. Kemi zgjedhur filmat me ngjarje që janë në Europë, që do të thotë janë ngjitur në të njëjtën kohë ngjitur me kufijtë tonë. Filmat që kemi sjellë tregojnë në të njëjtën kohë edhe se çfarë kemi ne rreth e rrotull vetes çfarë po ndodh me format e ekstremizmit, me format e dhunimit  të drejtave të njeriut, qoftë edhe ngjitur me ato që quhen komshinjtë tanë vendet që na rrethojnë”, u shpreh Cashku.
 
Festivali i filmit për të drejtat e njeriut do të mbahet nga data 18 deri më 27 shtator. Ceremonia e hapjes do të shoqërohet  me pjesë të vogla muzikore e balet.

Hyrja do të jetë e lirë për publikun. Edicioni i këtij festivali ka shënuar këtë vit 3000 aplikime nga të cilat janë përzgjedhur 39 produksione filmike,  disa prej të cilëve me çmime nëpër festivale të ndryshme të botës.

Një shfaqje speciale e këtij festivali, ditën e mërkurë do t’u dedikohet 40 grave të privuara nga liria të burgut 325, të cilat do të vijnë në ambjentet e Akademisë Marubi, për të ndjekur dokumentarin “Home” të regjisores More Raça, dhe më pas do të marrin pjesë në forumin e diskutimeve për “Dhunën në familje”.

Redaksia Online
J.Sh Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55