POP 5

Lajmet më të lexuara të 5 minutave të fundit

Sport

CAS-i 'djeg' Partizanin, futbollistët e piketuar në merkato firmosin me klube të tjera! Të kuqtë: S'ka ende datë për gjyqin 'Çinari'

Për shkak të bllokimit të merkatos dhe një mungese të datës së gjyqit në CAS Partizani sipas të gjitha gjasave do ta nisë sezonin pa asnjë afrim të ri.

CAS-i 'djeg' Partizanin, futbollistët e piketuar në merkato firmosin me klube të tjera! Të kuqtë: S'ka ende datë për gjyqin 'Çinari'

Asnjë datë gjyqi nga CAS, në kulmin e merkatos, fakt i cili pritet të kushtëzojë shumë Partizanin e sezonit të ardhshëm. Klubi i kuq është me sytë nga gjykata e albitrazhit sportiv në Lozanë, që deri më sot nuk e ka futur fare në axhendë çështjen 'Çinari', për të cilën Partizani u dënua nga FIFA me bllokim në dy sesione merkatoje, plus 80 mijë euro gjobë.

Burime të Report Tv brenda klubit bëjnë me dije se 'CAS' nuk i ka lajmëruar ende për një datë gjyqi'. Si do të ishte përgjigjja klubi do të merrte masat për sezonin e ardhshëm, por aktualisht është një situatë 'as mish as peshk'.

Kjo ka bërë që ekipi i drejtuar nga Ilir Daja të humbasë objektivat në merkato, e cila përfundon me datë 20 shtator. Koha e paktë e mbetur në dispozicion ka detyruar futbollistët të nënshkruajnë me klube të tjera. Sabien Lilaj, i piketuar për mesfushën ka firmosur me Prishtinën, ndërkohë mbrojtësi i majtë Gledi Mici, është shumë afër një skuadre në Kosovë, siç ai vetë ka bërë me dije. Edhe mbrojtësi Eni Imami, i afruar më herët, e ka të pamundur të firmosë në këto kushte.

'Kemi dy plane, A dhe B,'-ka deklaruar më herët Ilir Daja. Me siguri tani plani A është 'djegur', ndërsa ai B nuk jep shumë shpresë. Pa futbollistë të afruar në merkato trajneri është shprehur se nuk mund të luftohet për objektiva që bluza e Partizanit synon.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë

Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë

25 Nëntor, 16:07