POP 5

Lajmet më të lexuara të 5 minutave të fundit

Politikë

CDU/CSU gjermane, apel politikës në Tiranë: Dialog pa përjashtuar asnjë temë

Unioni Kristiandemokrat dhe Kristiansocial (CDU/CSU) shprehet se palët politike ne Shqipëri duhet të jenë të gatshme për dialog dhe për kompromise dhe se duhet të hyjnë në bisedime pa vendosur parakushte. Ata kritikojne ashpër edhe protestat e opozitës duke thënë se nëse palët politike nuk do të qetësojnë gjendjen, ekziston rreziku që vendit t'i mbyllet rruga drejt Evropës.

Në një deklaratë të përbashkët, dy deputetët, Johann David Wadephul, zëvendëskryetar i grupit parlamentar CDU/CSU në parlamentin gjerman dhe njëherazi drejtues i grupit të punës së Ballkanit Perëndimor, si dhe Christian Schmidt, CSU, raportuesi për Shqipërinë në Komisionin e Jashtëm dhe ish-ministër federal, shprehin shqetësimin e tyre për krizën e brendshme politike në Shqipëri. Ata shprehen se janë të gatshëm që të kontribuojnë për hapjen e një dialogu ndërmjet qeverisë dhe opozitës për të kapërcyer krizën politike.

Në deklaratë thuhet se palët duhet të jenë të gatshme për dialog dhe për kompromise dhe palët duhet të hyjnë në bisedime pa vendosur parakushte.

CDU/CSU kritikon ashpër edhe protestat e opozitës duke thënë se nëse palët politike nuk do të qetësojnë gjendjen, ekziston rreziku që vendit t'i mbyllet rruga drejt Evropës.

Deklarata e Plotë:

"Po e vëzhgojmë me shqetësim të madh krizën e brendshme në Shqipëri. Për të ardhmen evropiane të Shqipërisë nevojitet dialogu mes qeverisë dhe opozitës. Për këtë, të dyja palët duhet të afrohen me njëra-tjetrën dhe të jenë të gatshme për kompromise.

Protestat e përsëritura në Shqipëri janë një shenjë e pakënaqësisë së shumë qytetarëve. Ne bëjmë thirrje që protesta të jetë paqësore. Aktet e dhunës i dënojmë thellësisht. Është përgjegjësia e vendimmarësve të politikës që të sillen të arsyeshëm në këtë situatë dhe që me të gjitha forcat të përpiqen për ta qetësuar gjendjen. Nëse kjo nuk do të ndodhë, ekziston rreziku që vendit t'i mbyllet rruga drejt Evropës.

Ne jemi edhe më tej të gatshëm që të kontribuojmë për hapjen e një dialogu ndërmjet qeverisë dhe opozitës për të kapërcyer krizën. Por kjo mund të funksionojë vetëm nëse të dyja palët hyjnë në bisedime pa vendosur parakushte. Gjithashtu nuk duhet të përjashtohet asnjë temë.

Zgjedhjet pa pjesëmarrjen e opozitës janë problematike në aspektin demokratik. Prandaj duhen vënë në tryezë të gjitha opsionet që u garantojnë qytetareve dhe qytetarëve mundësi të vërteta për të zgjedhur në zgjedhjet lokale. Këtu hyjnë edhe masa të jashtëzakonshme, si për shembull, shtyrja e datës së zgjedhjeve lokale. Qëllimi më i lartë duhet të jetë kthimi pa ekuivok në procedurat demokratike dhe respektimi i standardeve të shtetit të së drejtës në zgjedhje.

Bashkësisë ndërkombëtare nuk i interesojnë konfliktet politike ndërpartiake, por stabiliteti demokratik." 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • DYRDYLI ÇEPËS: 24/05/2019 12:58

    Gjermania është shtet madhështor. Po kam një pyetje për ktë shtet madhështor: A e di shteti Gjerman që luli është KRIMINEL HAJDUT GËNJESHTAR E PA SHKOLL S'KA DIPLLOM. E si mund politika Shqiptare të bëhet me një njeri të till o Shtet Madhështor . Prandaj mos i humbni pikët duke u mar me një zhgaravin të till me një langaraq si lyli.

    Përgjigju
  • Hysniu: 23/05/2019 18:52

    Ju mire e keni po a i lejon Rusia?

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00