POP 5

Lajmet më të lexuara të 5 minutave të fundit

Politikë

Çela prezanton kandidaten për deputete të LSI në Berat: Përfaqësuese e jashtëzakonshme! Grua me kurajo e energjike

Drejtuesi politik i Lëvizjes Socialiste për Integrim në Qarkun e Beratit, Ardit Çela, ka prezantuar kandidaturën për deputete të Esmeralda Qirkos në këtë qark. Me anë të një statusi në “Facebook”, Çela e cilëson Qirkon si një intelektuale dhe një përfaqësuese të jashtëzakonshme të vlerave dhe qytetarisë beratase, duke shtuar se ajo është një sipërmarrëse e ndershme që punëson mijëra familje në Berat dhe të gjithë Shqipërinë, në sektorin fason

Çela prezanton kandidaten për deputete të LSI në Berat: Përfaqësuese e jashtëzakonshme! Grua me kurajo e energjike

Esmeralda Qirko dhe Ardit Cela

Drejtuesi politik i Lëvizjes Socialiste për Integrim në Qarkun e Beratit, Ardit Çela, ka prezantuar kandidaturën për deputete të Esmeralda Qirkos në këtë qark.

Me anë të një statusi në “Facebook”, Çela e cilëson Qirkon si një intelektuale dhe një përfaqësuese të jashtëzakonshme të vlerave dhe qytetarisë beratase, duke shtuar se ajo është një sipërmarrëse e ndershme që punëson mijëra familje në Berat dhe të gjithë Shqipërinë, në sektorin fason.

“Kënaqësi e veçantë sot për mua dhe LSI Berat, të prezantonim Znj. Esmeralda Qirko, përfaqësuesen e ardhshme të LSI në parlamentin e ardhshëm. Znj. Qirko është një intelektuale, një përfaqësuese e jashtëzakonshme e vlerave dhe qytetarisë beratase.

Znj. Esmeralda Qirko është një grua me kurajo, energjike, dhe ne jemi të bindur se do të jetë përfaqësuese e denjë e qytetarisë dhe gruas beratase, e sipërmarrjes së ndershme, e sidomos edhe e biznesit fason. Si mësuese e matematikës, Esmeralda ka shërbyer në misionin fisnik të mësimdhënies për vite me radhë në Berat. Prej rreth 27 vitesh, ajo kontribuon në sektorin e biznesit fason dhe është një nga sipërmarrëset më të suksesshme e të ndershme të këtij sektori që punëson me mijëra familje në Berat e në të gjithë Shqipërinë. Sot është një ditë e bukur për LSI. Sot është një ditë e bukur për Beratin. Vazhdojmë me vendosmëri rrugën tonë! LSI rritet përditë”, shkruan ai.

LSI prezantoi sot programin e LSI për Durrësin! Në këtë takim është lancuar një projekt i cili sipas LSI do ndërtojë 2 zona të lira ekonomike. Gjatë prezantimit të programit  kryetarja e LSI Monika Kryemadhi, ka deklaruar se me ardhjen e partisë së saj në pushtet Shqipëria do të kthehet në ‘shtëpinë e investimeve’. Nga Durrësi ka artikuluar edhe akuza ndaj qeverisë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • une: 31/01/2021 20:22

    lene se te kapme e keni.vini bast qe do fitoje se keshtu shumoni dhe leket kur te fitoni bastin....hahaha

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43