Ministri i Mbrojtjes, Pirro Vengu, e nisi nga qarku i Durrësit turin informues me bashkitë e vendit, pas çeljes së aplikimeve për paraqitjen e projekteve nga njësitë vendore në kuadër të Mbrojtjes Civile.
Në takimin, ku morën pjesë kryetarja e bashkisë së Durrësit, Emirjana Sako, kryetari i bashkisë së Shijakut, Elton Arbana, drejtori i Agjencisë Kombëtare të Mbrojtjes Civile, Haki Çako e përfaqësues të bashkive të tjera të qarkut, ministri Vengu bëri thirrje për të aplikuar.
“Sot kemi shpallur thirrjen për qeverisjen vendore, për sa i përket projektit të infrastrukturës parandaluese për mbrojtjen civile. Një thirrje shumë e rëndësishme për vetë faktin se kemi një mbështetje të konsiderueshme buxhetore nga qeveria shqiptare dhe jemi në bisedime me Ministrinë e Financave, në mënyrë që viti 2025 t’i gjejë të gjitha bashkitë me një projekt domethënës për mbrojtjen civile”, theksoi Vengu.
Ai shtoi se ka pasur vështirësi në planifikim, financim dhe në zbatim.
“Fundi i vitit na ka gjetur në situata ku bashkitë kanë qenë në vështirësi për të shfrytëzuar fondin, ndaj në bashkëpunim me Ministrinë e Financave dhe AKMC-në, ne mendojmë që t’jua lehtësojmë procesin. Ju bëjmë thirrje tani, që të keni projektet në mënyrë që të lëvrojmë fondet dhe viti 2025 ju gjen me të gjitha kushtet për të vepruar”, tha ministri Vengu.
Ministri Vengu, shtoi njëherësh se përgjegjësia bie te pushteti vendor që duhet të ketë reagimin e shpejtë në raste fatkeqësish, ndaj të gjitha strukturat duhen fuqizuar.
“Risia këtë vit është se ne jemi të vetëdijshëm për faktin se bashkitë kanë shtrirje të madhe territoriale, mbulojnë zonat urbane, por edhe ato rurale, por te zonat e thella malore dhe pyjore është vështirë të ndërhyhet. Ndaj, do ketë një paketë financiare të dedikuar që të investoni në mjete për të ndërhyrë në këto zona të vështira, për të shuar zjarre apo për të hapur shtigje të reja”, shtoi ministri.
Kreu i AKMC-së, Haki Çako theksoi se kjo është një mundësi e jashtëzakonshme që ka dhënë qeveria shqiptare, për t’i paraprirë në kohë me investime, për zvogëlimin e riskut, por edhe eliminimin e pasojave.
“AKMC është në gatishmëri të plotë për të administruar dokumentacionin nga të gjitha bashkitë, por duam që të jemi më të përgatitur në ato aspekte që sjellin një risk të shtuar”, u shpreh Çako.
Kryebashkiakja Emirjana Sako u shpreh se kërkohet angazhim nga institucionet e qeverisjes vendore.
“Durrësi vitet e fundit është përballur me tërmetin, pandeminë, zjarret gjatë periudhës së verës që janë të përvitshme. Kjo situatë kërkon angazhim shumë të madh nga institucionet e qeverisjes vendore, buxhetim për blerjen e mjeteve zjarrfikëse dhe një mirëmenaxhim të situatave”, tha ajo.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38
