Nën thirrjen “kampioni u kthye” dhe nën një shi të rrëmbyeshëm mijëra tifozë u mblodhën në stadiumin Chapecoense të Brazilit për t’i dhënë lamtumirën e fundit lojtarëve që humbën jetën në aksidentin ajror.

Pavarësisht trishtimit publiku lëshoi ovacione kur spikeri tha se skuadra do të rindërtohet me pasionin jeshil dhe të bardhë si dhe me grintën dhe shpresën që përfaqësonin lojtarët.

Presidenti brazilian Michel Temer mori pjesë në ceremoninë e zhvilluar në stadium, por nuk foli për të pranishmit.