POP 5

Lajmet më të lexuara të 5 minutave të fundit

Bota

Çështja Khashoggi/OKB: Sentenca shërbeu për të mbuluar fajtorin e vërtetë, reagim i ashpër i 'Reporterët pa Kufij'

Pas dënimit me vdekje të pesë personave të akuzuar për vrasjen e gazetarit Jamal Khashoggi nga një gjykatë saudite, vala e indinjatës është një gur i hedhur mbi princin saudit Mohamed Bin Salman

Çështja Khashoggi/OKB: Sentenca shërbeu për të mbuluar fajtorin e vërtetë, reagim i ashpër i 'Reporterët pa Kufij'

Pas dënimit me vdekje të pesë personave të akuzuar për vrasjen e gazetarit Jamal Khashoggi nga një gjykatë saudite, vala e indinjatës është një gur i hedhur mbi princin saudit Mohamed Bin Salman.

Dy besnikët e tij, Saud al-Qahtani, këshilltar i ngushtë dhe ish-mjeku i princit të kurorës dhe Ahmed al-Assiri, i cili ishte në krye të shërbimeve sekrete dhe ishte i dyshuar për drejtimin e operacionit në terren, u shpallën të pafajshëm.

Kombet e Bashkuara: Sentenca shërbeu për të mbuluar fajtorin e vërtetë.

Për Stephane Dujarric, zëdhënës i sekretarit të përgjithshëm të Kombeve të Bashkuara, vendimi është i papranueshëm: "Sekretari i Përgjithshëm vazhdon të theksojë nevojën për një hetim të pavarur dhe të paanshëm për vrasjen, "tha Dujarric.

Për Ankaranë, vendimi i gjyqësorit për krimin e kryer brenda ambienteve të konsullatës saudite në Turqi ështe larg pritshmërive.

Më i ashpër ka qënë reagimi i Reporterëve pa Kufij, sipas të cilëve "Dënimi me vdekje i pesë prej të akuzuarve mund të interpretohet vetëm si një dëshirë për të heshtur përgjithmonë dëshmitarët apo edhe autorët e kësaj vrasje të tmerrshme," tha sekretari i përgjithshëm i organizatës, Christophe Deloire.

Khashoggi ishte një kolumnist për Washington Post nga kolonat e të cilit, ndër të tjera, ai kritikoi regjimin e Bin Salmanit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06