POP 5

Lajmet më të lexuara të 5 minutave të fundit

Politikë

Çështja McGonigal/ Nesër 24 orë mocion me debat me Ramën! Alibeaj do ketë kohë të barabartë fjale me kreun e qeverisë

Nesër në orën 10.00 Kuvendi do të nisë një seancë maratonë plenare, atë të mocionit me debat me kryeministrin Rama për lidhjet që opozita pretendon se kreu i qeverisë ka me ish-agjentin e FBI, Charles McGonigal.

24 orë do të vihen në dipozicion për mocionin me debat me kryeministrin Edi Rama, për çështjen McGonigal, për seancën e parashikuar në 2 mars. Çdo deputet do të ketë 10 minuta në dispozicion, ndërsa kreu i grupit parlamentar të Partisë Demokratike, Enkeleid Alibeaj, do të ketë kohë të barabartë fjale me kreun e qeverisë.

Në sallën e seancës plenare pritet të rikthehet Sali Berisha me një grup të deputetëve të Rithemelimit, të cilëve më 2 mars u ka përfunduar afati i përjashtimit për shkak të seancave të shkuara kaotike. Por në Kuvend do të mungojnë 4 deputetë, Edmond Spaho, Elda Hoti, Sorina Koti dhe Oerd Bylykbashi që seancën e 16 shkurtit përfunduan deri në shkuljen e mikrofonit të foltores, që nga ministrja Elisa Spiropali u komentua me këtë ironi.

Ppër opozitën, kuvendi vepron me 2 standarde përballë faktit që rrëzoi kërkesën e tyre për përjashtimin e ministres në atë frazë që e quajtën ofezë ndaj deputetit Spaho.

“Kërkuam që të përdoret i njëjti standard që është përdorur masivisht kundër deputetëve të opozitës..... Edi Rama që përfaqësohet nga Spiropali është simboli i dhunës verbale”, tha Ored Bylykbashi.

Opozita ka refuzuar më herët zhvillimin e interpelancës për ish-agjentin e FBI që kryeministri Rama ia delegoi ministres Spiropali dhe paralelisht po kërkojnë edhe ngritjen e një komisoni hetimor. Në seancat e fundit kaotike opozita ka kërkuar prezencën e kreut të qeverisë, i cili pritet t’u japë përgjigje në maratonën e 2 marsit, në atë seancë që socialistët kanë paralajmëruar se do të nxjerrë në pah të vërteta të mëdha.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

25 Dhjetor, 20:04 nga Xhensila Nako