POP 5

Lajmet më të lexuara të 5 minutave të fundit

Ekonomi

CEZ mbledh sot Asamblenë
e Aksionerëve në Pragë

CEZ Shpërndarje zhvillon sot me aksionerët e saj mbledhjen e Asamblesë së Përgjithshme në Pragë të Republikës Çeke. Aksioner me 24% në këtë kompani është qeveria shqiptare. Në thirrjen e Asamblesë thuhet se kjo është bërë "duke marrë parasysh situatën kritike financiare të shoqërisë, të shkaktuar nga autoritetet dhe institucionet shqiptare".
CEZ, kryeministri çek: Berisha më premtoi se do japë zgjidhje
Faturat e CEZ, Buxhetit i ikin 80 mln euro
CEZ mbledh sot Asamblenë<br />e Aksionerëve në Pragë
TIRANE- CEZ Shpërndarje zhvillon sot me aksionerët e saj mbledhjen e Asamblesë së Përgjithshme në Pragë të Republikës Çeke. Aksioner me 24% në këtë kompani është qeveria shqiptare. Në thirrjen e Asamblesë thuhet se kjo është bërë "duke marrë parasysh situatën kritike financiare të shoqërisë, të shkaktuar nga autoritetet dhe institucionet shqiptare".

Në rendin e ditës të mbledhjes përfshihet një informacion nga Bordi i Drejtorëve të CEZ Shpërndarje lidhur me humbjet e shoqërisë, të cilat, duke u bazuar në pasqyrat financiare për muajt janar dhe shkurt, veç atyre të vitit të kaluar, rezulton të kenë tejkaluar 50 për qind të kapitalit të regjistruar. Në këto kushte, vijonte njoftimi, kompania vlerëson se nuk ka më fonde për të siguruar pagesën e detyrimeve afatshkurtra ndaj palëve të treta (furnizuesit me energji nga importi), situatë kjo, e shkaktuar si pasojë e shkeljeve, nga autoritetet dhe institucionet shqiptare, mes të tjerash, të marrëveshjes së mbështetjes qeveritare, kuadrit rregullator dhe marrëveshjes rregullatore.

Gjatë vizitës së fundit në Tiranë të kryeministrit çek, qeveria e Çekisë ka ndërhyrë për llogari të grupit CEZ pranë qeverisë shqiptare, pasi kompania u ankua për rrezikun e falimentit. Lajmi u bë i ditur nga gazeta çeke "The Prague Post". "CEZ Shpërndarje nuk mund të vazhdojë të operojë më tej me humbje të tilla financiare. Një zgjidhje duhet të gjendet brenda javëve të ardhshme". Sipas gazetës, ka deklaruar kështu zëdhënësja e kompanisë CEZ Group, Eva Novakova.
"CEZ nuk është e kënaqur lidhur me hapat e ndërmarra deri tani dhe është e detyruar të mbrojë vlerën e kompanisë për invesitorët dhe aksionerët e saj", shtoi ajo. Novakova deklaroi se, si aksioneri më i madh i Bankës Botërore, Shtetet e Bashkuara të Amerikës duhet të tregojnë interes të zgjidhin problemet midis CEZ-it dhe Shqipërisë. Banka Botërore ka akorduar një fond garancie prej 60 milionë eurosh, që mund të merren në rast se qeveria shqiptare nuk iu përmbahet angazhimeve të marra.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57