CEZ Shpërndarje nisi sot një aksion duke i ndërprerë energjinë elektrike institucioneve buxhetore dhe jobuxhetore, të cilat janë debitore. Në njoftimin e saj, kompania thekson se asnjë nga institucionet nuk ka reaguar pas apelit të përsëritur për shlyerjen e faturave të prapambetura.
 
Data 7 gusht ishte afati i fundit, që CEZ Shpërndarje kishte vendosur për institucionet dhe ujësjellësit për të paguar faturat e energjisë elektrike.
 
Në total, detyrimi i institucioneve pa llogaritur kamatëvonesat është në vlerën e 65 milionë dollarëve.
 
“U la një afat për të gjitha këto institucione për të paguar detyrimet e prapambetura, por asnjë prej tyre nuk ka reaguar për shlyerjen e debisë. Ky ishte një apel i përsëritur, që CEZ Shpërndarje i bënte këtyre institucioneve.
 
Para disa muajsh këto institucione ishin njoftuar për detyrimet ndaj kompanisë, si dhe pjesa më e madhe e tyre ka pranuar se janë debitorë. CEZ shpreh vendosmëri për të mos furnizuar me energji asnjë nga institucionet debitore derisa ata të paguajnë”, thuhet në deklaratë.
 
Ja shifrat e debitorëve
 
Numri         Debia leke                       
 
Buxhetore     9449           3,194,110,831


Berat            1002          104,698,161
Burrel            625           128,902,013
Durres           909           229,897,431
Elbasan         799           139,538,617
Fier              1221          819,122,525
Gjirokaster    1262          231,058,012
Korce           1040          80,979,119
Kukes           315           80,455,371
Shkoder        879           171,251,497
Tirane           1397          1,208,208,085 

Jo-Buxhetore  2331          3,543,436,820


Berat            144              357,274,092
Burrel           251              486,465,157
Durres          211              215,570,951
Elbasan        410             368,733,814
Fier              236             1,515,347,138
Gjirokaster    165              76,759,307
Korce           149              60,844,709
Kukes           59               24,973,077
Shkoder        250              274,628,085
Tirane           456              162,840,489
Total            11780            6,737,547,651

Redaksia Online
(mag/shqiptarja.com)