Si presidenti Ilir Meta, ashtu edhe opozita duket se ka një qëndrim të qartë që të dekretojnë zgjedhjet parlamentare të rregullta në datën më të afërt të mundshme. PD—ja siç e ka bërë të ditur Edi Paloka ka kërkuar 18 prillin, ndërsa PS-ja 9 majin.
Logjika është se opozita kërkon zgjedhje sa më parë, dhe mazhoranca duket se kërkon t’i shtyjnë, por gjithsesi asnjëra as mund t’i afrojë tej afatit e as mund t’i shtyjë më shumë. Por thelbi është diku tjetër, pasi fjala është vetëm për 20 ditë.
Thelbi është diçka tjetër: këtë radhë Shqipëria duket se do të zhvillojë zgjedhje larg afatit që i ka bërë prej vitesh, pra jashtë qershorit.
Një sezon, që nis me verën, ku një numër i konsiderueshëm emigrantësh kanë mundësi të vijnë në Shqipëri, të takohen me familjarët, të bëjnë pushimet, por meqë janë edhe të votojnë. Prilli dhe maji thuajse përjashton mundësinë e votimit të emigrantëve.
Këtu hyjmë në një diskurs që ja vlen që ta diskutojë politika, pasi e ka pasur edhe një armë beteje; të lejojë shqiptarët jashtë vendit të ushtrojnë të drejtën e votës.
Me ligj, nuk ju është dhënë mundësia gati gjysmës së shqiptarëve që janë të regjistruar si votues, nga aspekti infrastrukturor, pasi Shqipëria, ashtu si edhe Mali i Zi nuk e ka të përcaktuar në Kodin Zgjedhor votën e emigrantëve në vendet ku jetojnë.
Por ardhja e verës, hapte një mundësi. Madje mirë do të ishte që zgjedhjet në Shqipëri të zhvilloheshin në fund korriku, madje edhe në gusht, kur mund të vijnë emigrantët.
Në fakt kjo periudhë hap një çështje jo të vogël, të ngarkimit të fushatës me polarizim në mesin e sezonit turistik, çka edhe ndikon jo për mirë tek operatorët, të cilët e kanë thënë disa herë që nuk e duan një ashpërsim të situatës, kur është piku i sezonit.
Realisht ky pik i sezonit rastis edhe me ardhjen më të madhe të emigrantëve në familjet e tyre, çka duhet të sillte një konsensus popullor për këtë çështje.
Opozita me logjikën klasike kërkon zgjedhje sa më shpejt; por nëse bëhen në prill apo në qershor, a korrik, ato nuk janë të parakohshme, çdo logjikë se opozita arriti të afrojë votimet me 2 muaj nuk është i saktë argumentuar si një proces i parakohshëm, e nëse mbështetet ky argument dukshëm është hipokrit.
Realisht nuk bëhet fjalë për zgjedhje të parakohshme, por për botimet kalendarike të vitit 2021. Duke qenë të tilla, forcat politike, duhet të angazhohen për një proces elektoral sa më demokratik e sa më gjithëpërfshirës. Që në thelb të sjellin një mobilizim të madh të elektorait, si diasporës, si ata që janë brenda vendit.
Në zgjedhjet e fundit në Mal të Zi, opozita, përkatësisht më shujë ajo filoserbe, arriti që të mobilizojë një numër të madh zgjedhësish që të viojnë në atdhe edhe pse jetonin në Serbi e vende të Europës për të votuar.
Dhe ky mesazh qëlloi se shkoi në veshin e duhur. Dhe zgjedhjet u bënë në një datë shumë të përshtarshme, siç është 30 gushti; kur sezoni kuristik ka mbaruar por edhe emigrantët nuk ishin kthyer në vendet e tyre të punës. Në përcaktimin e datës, secila palë pati llogaritjen e saj se kush do të sjellë më shumë pjesë të diasporës. S’ka rëndësi, por fakt është që në fund pati një mundësi për emigrantët…
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Ylli Pata: Kush ka faj për tragjedinë e 'Fan Nolit'?!
19 Nëntor, 20:56
-
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Ylli Pata: Buxheti, debati 'normal' në kohë anormale
18 Nëntor, 23:01
Familje e morracake qe vodhi mashtroi dhe denigroi
Përgjigju