Gjykata Kushtetuese ka dëshmuar sot edhe një herë paaftësinë, apo neglizhencën, për të vendosur rreth vlefshmërisë së 30 Qershorit.
Kjo pasi mori kohë plot dy vite duke u fshehur pas Komisionit të Venecias dhe opinionit të tij. Sot, që Kushtetuesja ka dy përgjigje në tryezë, ende nuk ka qenë e parapërgatitur për të vendosur. Vitore Tusha madje e ka lënë të hapur shpalljen e vendimit “brenda afateve”. E thënë ndryshe, Kushtetuesja mund të qëndrojë edhe një muaj pa e dhënë verdiktin për një temë kaq delikate. Sepse siç e parashikon edhe ligji: “Gjykata Kushtetuese i shqyrton çështjet brenda një afati të arsyeshëm, kurse vendimi përfundimtar shpallet i arsyetuar jo më vonë se 30 ditë nga përfundimi i seancës”.
Por përse është i nevojshëm sa më parë vendimi i GjK, rreth 30 Qershorit? Së pari, ky organ suprem i drejtësisë as nuk do të duhej t’i drejtohej për herë të dytë Venecias, kur kjo e fundit iu përgjigj që në 2019 pretendimeve të Ilir Metës.
Konkretisht, Komisioni shprehej se: “Një e drejtë e Presidentit për të shtyrë ose madje anuluar zgjedhjet është e diskutueshme dhe nuk mund të themelohet pa një bazë të veçantë ligjore”.
Dhe të dytën herë, në tetor të këtij viti, po sërish Venecia vëren se Kushtetuesja s’ka kompetencë për të shqyrtuar vendoret e 30 qershorit.
Megjithatë, tani që tekat e Voltana Ademit dhe Ilir Metës u plotësuan duke i dhuruar shqiptarëve dhe botës një cirk, a mundet që GJK të flasë përfundimisht dhe pak shpejt? Sepse nëse anëtarët e saj nuk e kuptojnë, këtu flitet për fatin e të paktën gjashtë bashkive pa kryetarë, që presin se ç’do të bëhet me to. Janë Dibra, Shkodra, Vora, Durrësi, Rrogozhina e Lushnja që përveçse duhet të kenë organet e tyre të zgjedhura vendore si i gjithë vendi, rrezikojnë investimet, ndihmat ekonomike e shumë çështje të tjera administrative.
Apo edhe për ta kuptuar këtë, i duhen leksione nga Venecia?
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43
