Duan të bëhen policë/ Dalin rezultatet e provimit për 500 vendet e lira (Lista me fituesit e fazës së parë)

TIRANE-Me mijëra janë të rinjtë që të ardhmen e shohin në radhët e Policisë së Shtetit për Patrullë të Përgjithshme. Mbi 2000 vetë morën pjesë këtë të mërkurë në testimin me shkrim mbajtur në Pallatin e Kongreseve për t'u pranuar në fazën e parë të rrugës drejt uniformave blu. Testimi zhvillohet në dy faza brenda ditës, të ndara në disa qarqe: Fillimisht qarqet Tiranë, Berat, Durrës e Fier dhe më tej, Gjirokastër, Vlorë, Elbasan, Korcë, Lezhë, Shkodër, Kukës, Dibër. Pyetjet ishin me karakter të përgjithshëm dhe testimi u krye nën monitorimin e kamerave. Rezultatet e testit dolën menjëherë. Shqiptarja.com sjell më poshtë rezultatet e provimit.

Hapi i dytë është testimi fizik.Çdo konkurent, në fund të çdo faze konkurimi, në rast se nuk është dakord me rezultatin, ka të drejtën e ankimimit brenda dy ditëve. Ankesa bëhet me shkrim dhe dorëzohet në Akademinë e Sigurisë në zyrën e Burimeve Njerëzore dhe më pas kjo ankesë i përcillet Komisionit të Apelimit në Drejtorinë e Përgjithshme të Policisë së Shtetit". Policia e Shtetit, në datë 3 Korrik, hapi aplikimet për 500 vende, për Patrullë të Përgjithshme. Thirrjes së Policisë për t’u bërë pjesë e saj iu përgjigjën 2120 të rinj e të reja nga gjithë vendi.

Ndërkohë, vijojnë të jenë të hapura aplikimet deri në datën 15 shtator 2019, për rekrutimin e 100 studentëve që kanë përfunduar universitetin me rezultate të larta në degët Ekonomik, Juridik dhe Teknologji Informacioni dhe dëshirojnë të bëhen pjesë e Policisë, të cilët në përfundim të kursit, do të bëhen pjesë e strukturave të hetimit të Policisë së Shtetit dhe do të marrin gradën policore Nënkomisar.

//Shqiptarja.com

TAG:
• policia e shtetit