POP 5

Lajmet më të lexuara të 5 minutave të fundit

Sport

Champions, Juventus, Bayern e PSG kalojnë në 1/8, Reali rikthehet i frikshëm

Juventus, Bayern Mynih dhe PSG janë tre ekipet e para që sigurojnë kalimin në 1/8 e Champions League. Bardhezinjtë triumfuan vetëm në fund në Moskë 2-1 ndaj Lokomotivës. Real Madrid fitoi me goleadë ndaj Galatasaray  ndërsa Atalanta frenon Manchester City-n.

Champions, Juventus, Bayern e PSG kalojnë në 1/8, Reali rikthehet i frikshëm

Juventus, Bayern Mynih dhe PSG janë tre skuadrat e para që sigurojnë kualifikimin në 1/8 e Champions League. Juventusi morri kryesimin e grupit D me 10 pikë pasi fitoi 2-1 në Moskë ndaj Lokomotivës. Ramsey u dha shumë shpejt avantazhin bardhezinjve por vendasit arritën të barazonin me Miranchuk në minutën e 12-të. Goli i kualifikimit ishte spektakolar dhe erdhi nga braziliani Douglas Costa në kohën shtesë. Juvja kalon më tej kur duhen edhe dy ndeshje për herë të parë që prej vitit 2009.

Atletico Madrid është mposhtur në Gjermani 2-1 nga Bayer Leverkusen dhe shtyn kualifikimin për më tej. Ekipi gjerman të paktën futet në lojë për vendin e tretë. Real Madrid bën “gallatë” me turqit. Madrilenët mposhtën 6-0 Galatasaray në “Bernabeu” dhe i afrohen kalimit në 1/8 pasi mbajnë vendin e dytë në grupin A me 7 pikë. Shkëlqeu talenti Brazilian Rodrygo me tre gola. Dy herë shënoi Benzema dhe kapiteni Ramos me penallti.

Goli i Mauro Icardit i mjaftoi PSG-së për të mposhtur 1-0 Club Brugge dhe të sigurojë kalimin në 1/8 kur duhen edhe dy ndeshje. Bayern Mynih mposhti 2-0 Olympiacos dhe me katër fitore radhazi siguron kalimin më tej. Leëandoëski dhe Perisic ishin autorët e golave ndaj grekëve.

Tottenham e mposhti Crvena Zvezdën për herë të dytë radhazi dhe i afrohet kalimit në fazën me eliminim direkt. 4-0 fituan londinezët në Beograd. Atalanta morri pikën e parë në grupet e Champions. Ndeshja e grupit C ndaj Manchester Cityt-t në “San Siro” u mbyll 1-1 me golat e Sterling dhe Pasalic. Dinamo Zagreb-Shakhtar u mbyll 3-3./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Arkeologët spanjollë, turistët e veçantë të Amantias: Park i mrekullueshëm por mungon sinjalistika

Arkeologët spanjollë, turistët e veçantë të Amantias: Park i mrekullueshëm por mungon sinjalistika

20 Prill, 14:46 nga Armand Xhelili