Champions League mbylli këtë të mërkurë raundin e shtatë në fazën e ligës. Bayern Munich fitoi 2-0 kundër Royale Union duke marrë të drejtën për në fazën e 1/8-ave si skuadra e dytë pas Arsenalit. Tri pikë me shumë peshë edhe për Liverpoolin, Chelsean, Juventusin, Barcelonën apo Newcastle. Dështim për Atletico Madridin në Stamboll.

Në Gjermani, Bayern Munich mposhti 2-0 belgët e Royale Union SG falë dopietës së Harry Kane në pjesën e dytë, për të marrë një biletë për në fazën e 1/8-ave.

Në Londër, një gol i Moises Caicedos në minutën e 78-të i dha tri pikë me vlerë Chelseat kundër debutuesve të Pafos. Në ‘Velodrome’ vendasit e Marseille u mposhtën 0-3 nga Liverpooli me golat e Szoboszlai, autogolin e Rullit dhe Gakpo.

Në Torino ishte Juventusi që mposhti 2-0 Benfican me golat e Thuram dhe McKennie duke siguruar të paktën fazën play-off, ndërsa matematikisht është në garë për në fazën e 1/8-ave pasi në raundin e fundit luan kundër Monacos në Principatë.

Barcelona përmbysi 2-4 Slavian në Pragë. Kusej kaloi çekët në avantazh, para se Fermin me dopietë të rikthente katalanasit në avantazhin e përkohshëm. Në fundin e pjesës së parë autogoli i Lewandowskit vendosi ekuilibrat në 2-2. Olmo dhe Lewandowski shënuan dy gola të tjerë për Barçën në fraksionin e dytë.

Ndeshjet e fundit të fazës së ligës, të vlefshme për raundin e tetë do luhen më 28 janar në orën 21:00 dhe në to do mësohen tetë ekipet e kualifikuara në fazën e 1/8-ave, 16 skuadrat që do garojnë në play-off dhe 12 skuadrat e eliminuara (Eintracht, Slavia e Pragës, Villarreal dhe Kairat Almaty janë jashtë zyrtarisht).

Champions League, raundi i shtatë i fazës së ligës:

E mërkurë, 21 janar 2026

18:45

Galatasaray 1-1 Atletico Madrid

Qarabag 3-2 Eintracht Frankfurt

21:00

Atalanta 2-3 Athletic Bilbao

Bayern Munich 2-0 Royal Union SG

Chelsea 1-0 Pafos

Juventus 2-0 Benfica

Marseille 0-3 Liverpool 

Newcastle 3-0 PSV

Slavia e Pragës 2-4 Barcelona

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 20:34

    15 vite nga ‘21 janari’, kush mendoni se urdhëroi për të qëlluar qytetarët?

Lajme të tjera