POP 5

Lajmet më të lexuara të 5 minutave të fundit

Sport

Champions League/ Kualifikohen në grupe Benfica, Young Boys dhe Malmo! Sonte në lojë 3 biletat e fundit

Benfika, Joung Boys dhe Malmo janë tre skuadrat që siguruan kualifikimin në grupet e Champions League mbrëmjen e së martës. Eliminohet Ferencvaroshi i Myrto Uzunit që shkon në Europa League, ndërsa sonte priten tre biletat e fundit për të kompletuar sezonin e ri të Ligës së kampionëve.

Brazimi 0-0 në transfertën e Holandës i ka mundësuar Benfica-s kualifikimin në grupet e Champions League për sezonin e ri në dëm të PSV-së. Skuadra portugeze edhe pse mbeti me një lojtar më pak që në minutën e 32 për shkak të Lucas arriti të ruante portën e paprekur deri në fund të ndeshjes. Sfida e parë në Portugali ishte mbyllur me shifrat 2-1 dhe për rrjedhojë kjo ishte një lloj hakmarrje ndaj PSV, që në vitin 1988 fitoi finalen e Champions League kundër Benfica-s.

Një biletë për në 32 skuadrat më të mira të kontintetit ka prerë edhe Young Boys, që elimoi me rezultatin e përgjithshëm 6-4 Ferencvaroshin e Myrto Uzunit. Ashtu si në Zvicër edhe në Hungari Young Boys fitoi me rezultatin 3-2. Vlen për t’u theksuar se në minutën e 64 Ferencvaros mbeti me një lojtar më pak kur rezultati ishte 2-2, ndërsa Young Boys humbi edhe një penallti.

Skuadra e tretë që mbrëmjen e së martës siguroi kualifikimin ishte Malmo, që pavarësisht humbjes 2-1 në Bullgari në favor të Ludogorets kaloi më tej falë rezultatit të përgjithshëm 3-2. Një javë më parë suedezët e Malmos kishin fituar pastër 2-0 në shtëpi.

Pavarësisht eliminimit PSV, Ferencvaros dhe Ludogorets do të qëndrojnë në kupat e Europës, pasi kualifikohen direkt në grupet e Europa League.

Ndërkohë sonte do të priten tre biletat e fundit për fazën e grupeve të Champions League, pasi në orën 21:00 Shkhtari që në ndeshjen e parë mposhti 0-1 Monaco-n sonte pret në Ukrainë francezët. Sakaq Brondby pas humbjes 2-1 në Austri pret në Danimarkë me mission përmbysjen Salzburgun. Shumë e vështirë do jetë për Dinamo Zagreb që sonte në Kroaci duhet të bëjë mrekullinë për të përmbysur humbjen 3-0 që pësoi një javë më parë në Moldavi kundër Sherif Tiraspol.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu