Kompeticioni më i rëndësishëm për klube, Champions League, zhvilloi këtë të martë nëntë ndeshjet e raundit të gjashtë. Bayern, Barça dhe Atalanta fituan me përmbysje, ndërsa Liverpooli siguroi tri pikë me vlerë kundër Interit në Milano.

Në ‘Giuseppe Meazza’, Interi u mposht 0-1 nga Liverpooli. Goli i Szoboszlai në minutën e 88-të nga penalltia i dha tri pikë shumë të rëndësishme të kuqve, që duket se lënë pas një krizë dhe përplasjesh në ekip. Kjo ishte humbja e dytë radhazi për Interin në Champions. Skuadrat kanë nga 12 pikë.

Bayern Munich është rikthyer te fitoret duke mposhtur Sporting Lisbonën 3-1 me përmbysje. Pas pjesës së parë pa gola, miqtë kaluan në epërsi me autogolin e Kimmich, por Gnabry, Karl dhe Tah shënuan për fitoren e bavarezëve. Me këtë fitore, Bayern ngjitet në vendin e dytë me 15 pikë, po aq sa Arsenali që ka një ndeshje më pak.

Në ‘Camp Nou’ Barcelona siguroi tri pikë jo pa vështirësi duke fituar 2-1 me përmbysje kundër Eintracht Frankfurt. Knauff kaloi gjermanët në epërsi në pjesën e parë, por Jules Kounde në minutat 50-të dhe 53 përmbysi ndeshjen dhe i dha tri pikë Barçës duke e ngjitur në kuotën e dhjetë pikëve.

Në Bergamo vendasit e Atalantës përmbysën 2-1 Chelsean duke marrë një fitore të madhe. Te Atalanta për 90 minuta luajti edhe Berat Gjimshiti në mbrojtje. Joao Pedro në minutën e 25-të shënoi për Chelsean, por Sccamaca dhe De Ketelaere përmbysën gjithçka në pjesën e dytë.

Këtë të martë tri pikë siguruan edhe Olympiacos, Tottenham, Marseille, Atletico Madrid dhe Monaco. Ra në sy se në nëntë përballjet e sotme nuk u regjistrua asnjë barazim.

Të mërkurën luhen nëntë ndeshjet e radhës, të cilët do përmbyllin raundin e gjashtë në fazën e ligës së Champions League.

Champions League, raundi i 6-të i fazës së ligës:

E martë, 09 dhjetor 2025

16:30

Kairat Almaty 0-1 Olympiacos

18:45

Bayern Munich 3-1 Sporting Lisbone

21:00

Atalanta 2-1 Chelsea

Barcelona 2-1 Eintracht Frankfurt

Inter 0-1 Liverpool

Monaco 1-0 Galatasaray

PSV 2-3 Atletico Madrid

Royale Union SG 2-3 Marseille

Tottenham 3-0 Slavia e Pragës

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Dhjetor, 11:46

    Shpallja e pluralizmit në Shqipëri në 1990, kush e ka meritën e vërtetë?

Lajme të tjera