1769599686_championsleague.JPG

Këtë të mërkurë, duke nisur nga ora 21:00, Champions League do zhvillojë raundin e fundit të fazës së ligës, ku do mësohen zyrtarisht tetë skuadrat që kalojnë në fazën e 1/8-ave, 16 skuadrat që do garojnë në play-off për një vend në fazën e radhës dhe 12 skuadrat e eliminuara.

Për momentin, zyrtarisht vetëm Arsenali dhe Bayern Munich e kanë siguruar një biletë për në fazën e 1/8-ave, ndërsa të eliminuara dhe pa objektiva janë ekipet e Frankfurtit, Slavias së Pragës, Villarrealit dhe Kairat Almaty, që mbajnë vendet e fundit.

Disa emra 'big' si Barcelona, Manchester City, Atletico Madrid, Inter, Juve apo Dortmund, kanë siguruar fazën play-off, por kërkojnë tri pikët që do i fusnin brenda tetëshes më të mirë, çka do thoshte kalim direkt në fazën e 1/8-ave. Megjithatë asgjë nuk është e lehtë dhe renditja mund të ndryshojë në kohë reale me nisjen e takimeve.

Këtë mbrëmje do luhen sfida si: Benfica - Real Madrid, Barcelona - Copenhagen, Dortmund - Inter, Monaco - Juventus, PSG - Newcastle dhe Napoli - Chelsea. Të gjitha klubet kanë objektiva të ndryshme, ndërsa Napoli i cili për momentin ndodhet në vendin e 25-të (i eliminuar) ka një detyrë të vështirë në 'Maradona' kundër Chelseat. 'Blutë' e Londrës kërkojnë pikët për mos dalë nga tetë vendet e para, andaj kjo sfidë është si një finale dhe italianët e Contes rrezikojnë eliminimin.

Edhe për Interin, Juventusin, Atalantën, Barcelonën dhe Manchester Cityn vlejnë tri pikë, andaj duelet e sotme janë plot llogari dhe nuk ka vend për gabime.

Champions League, raundi i 8-të i fazës së ligës (i fundit):

E mërkurë, 28 janar 2026 - 21:00

Ajax - Olympiacos

Arsenal - Kairat Almaty

Athletic Bilbao - Sporting Lisbone

Atletico Madrid - Bodo/Glimt

Barcelona - FC Copenhagen

Bayer Leverkusen - Villarreal

Benfica - Real Madrid

Club Brugge - Marseille

Dortmund - Inter

Eintracht Frankfurt - Tottenham

Liverpool - Qarabag

Manchester City - Galatasaray

Monaco - Juventus

Napoli - Chelsea

Pafos - Slavia e Pragës

PSG - Newcastle

PSV - Bayern Munich

Royale Union SG - Atalanta

Renditja:

Rendit zhvillimet sipas orarit:
Ora 12:27
Sot ndeshjet e fundit të fazës së ligës, mësohet kur do hidhet shorti i play-off-it të Champions League

1769599686_championsleague.JPG

Faza e ligës 2025-26 në Champions League përfundon sot në mbrëmje me 18 ndeshjet e fundit, ndërsa ekipet luftojnë për një vend në fazat eliminatore. Tetë ekipet e para pas ndeshjeve të sotme kalojnë automatikisht në raundin e 1/8-ave, ndërsa ato të renditura nga vendi i nëntë deri në të 24-tin do të përballen në raundin play-off.

Kur është shorti i play-off-it të fazës eliminatore të Champions League?

Shorti për play-off do të zhvillohet të premten, më 30 janar 2026, në Nyon, Zvicër. Goglat do fillojnë të rrotullohen nga ora 12:00. Ekipet nga i njëjti shtet dhe ekipet që kanë luajtur me njëra-tjetrën në fazën e ligës mund të përballen në këtë fazë.

Kur do zhvillohen ndeshjet e fazës eliminatore play-off?

Raundi i eliminatoreve do të jetë me dy ndeshje, me ndeshjet e para të planifikuara për më 17 dhe 18 shkurt, ndërsa ndeshjet e kthimit një javë më vonë, më 24 dhe 25 shkurt.

S.Dh/Shqiptarja.com

Ora 11:06
Akuzon Chelsea: Dy tifozët tanë u plagosën në Napoli

1769594863_championsleague.JPG

Është një ditë e ngjeshur në Napoli para ndeshjes kundër Chelseat, e cila luhet sot në orën 21:00 në 'Maradona'. Në raundin e fundit të fazës së ligës, Antonio Conte po përballet me të kaluarën e tij në një përpjekje për t'u rikthyer në 24 vendet e para dhe për të arritur në play-off.

Përgatitja e sfidës nuk ka filluar mirë pas asaj që ndodhi të martën në mbrëmje, kur dy tifozë anglezë u plagosën në Napoli. U desh trajtim spitalor, siç njoftoi Chelsea në një deklaratë zyrtare.

"Klubi është në dijeni të incidentit që ndodhi të martën në mbrëmje në Napoli ", thuhet në deklaratën e klubit. "Dy tifozë janë shtruar në spital me lëndime të lehta. Klubi dëshiron t'u kujtojë të gjithë tifozëve të tregojnë kujdes të madh ndërsa janë në qytet dhe të ndjekin rekomandimet e dhëna përpara ndeshjes."

Deklarata thekson se lëndimet e dy tifozëve nuk janë kërcënuese për jetën, por ende nuk ka konfirmim ose rindërtim të asaj që ndodhi.

Do të ketë afërsisht 2.500 tifozë të Chelseat në Napoli dhe klubi u ka kujtuar tifozëve rekomandimet e udhëtimit për ndeshjen jashtë fushe si: mos ecni nëpër qytet dhe shmangni veshjen e ngjyrave të klubit ose emblemave që i identifikojnë ata si tifozë të Chelseat. Tifozët miq u kërkohet të mblidhen në zona të caktuara për të arritur në stadium me autobus nën shoqërimin e policisë.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 14:59

    Rama firmos ndryshimin ligjor që ndalon GJKKO të pezullojë ministrat, jeni dakord?

Lajme të tjera