Këtë të mërkurë duke nisur nga ora 21:00 Champions League zhvilloi 18 ndeshjet e fundit (raundi i tetë) në fazën e ligës. Humbja 4-2 e Real Madridit nga Benfica në Portugali, ka bërë që ‘Galaktikët’ mos jenë në tetë vendet e para që siguruan kalimin direkt në fazën e 1/8-ave. Madrilenët do garojnë nga faza play-off, ashtu si kampionët në fuqi të PSG-së, apo Interi, Juventusi, Atalanta dhe Atletico Madridi.
Arsenali me tetë fitore e mbyll në krye me 24 pikë të plota, ndjekur nga Bayern Munich. Së bashku me ta edhe Liverpool, Tottenham, Barcelona, Chelsea, Sporting Lisbone dhe Manchester City siguruan një biletë për në fazën e 1/8-ave.
Ndërkohë që Interi, paçka fitores 0-2 në Dortmund nuk mundi dot të kalojë direkt, por do garojë në play-off si Real Madrid, PSG, Newcastle, Juventus, Atletico Madrid, Atalanta, Leverkusen, Dortmund, Olympiacos, Club Brugge, Galatasaray, Monaco, Qarabag, Bodo/Glimt dhe Benfica. Këto skuadra u renditën nga vendi 9 në 24.
Ndërkohë Napoli pas humbjes 2-3 kundër Chelseat në ‘Maradona’ është eliminuar. Bashkë me ekipin e Contes jashtë janë edhe Marseille, Pafos, Union Saint-Giroise, PSV, Athletic Bilbao, FC Copenhagen, Ajax, Frankfurt, Slavia e Pragës, Villarreal dhe Kairat Almaty.
Shorti për të përcaktuar fazën play-off
Shorti për play-off do të zhvillohet të premten, më 30 janar 2026, në Nyon, Zvicër. Goglat do fillojnë të rrotullohen nga ora 12:00. Ekipet nga i njëjti shtet dhe ekipet që kanë luajtur me njëra-tjetrën në fazën e ligës nuk do përballen në këtë fazë.
Kur do zhvillohen ndeshjet e fazës eliminatore play-off?
Raundi i eliminatoreve do të jetë me dy ndeshje, me ndeshjet e para të planifikuara për më 17 dhe 18 shkurt, ndërsa ndeshjet e kthimit një javë më vonë, më 24 dhe 25 shkurt.
Verdiktet e plota pas tetë ndeshjeve në fazën e ligës të Champions League:
Skuadrat që kalojnë direkt në fazën e 1/8-ave: Arsenal, Bayern Munich, Liverpool, Tottenham, Barcelona, Chelsea, Sporting Lisbone dhe Manchester City
Skuadrat që do garojnë në play-off: Real Madrid, Inter, PSG, Newcastle, Juventus, Atletico Madrid, Atalanta, Leverkusen, Dortmund, Olympiacos, Club Brugge, Galatasaray, Monaco, Qarabag, Bodo/Glimt, Benfica
Skuadrat e eliminuara: Marseille, Pafos, Union Saint-Giroise, PSV, Athletic Bilbao, Napoli, FC Copenhagen, Ajax, Frankfurt, Slavia e Pragës, Villarreal dhe Kairat Almaty.
Champions League, raundi i 8-të i fazës së ligës (i fundit):
E mërkurë, 28 janar 2026 - 21:00
Ajax 1-2 Olympiacos
Arsenal 3-2 Kairat Almaty
Athletic Bilbao 2-3 Sporting Lisbone
Atletico Madrid 1-2 Bodo/Glimt
Barcelona 4-1 FC Copenhagen
Bayer Leverkusen 3-0 Villarreal
Benfica 4-2 Real Madrid
Club Brugge 3-0 Marseille
Dortmund 0-2 Inter
Eintracht Frankfurt 0-2 Tottenham
Liverpool 6-0 Qarabag
Manchester City 2-0 Galatasaray
Monaco 0-0 Juventus
Napoli 2-3 Chelsea
Pafos 4-1 Slavia e Pragës
PSG 1-1 Newcastle
PSV 1-2 Bayern Munich
Royale Union SG 1-0 Atalanta
Renditja:
Komente
Lajme të tjera
-
Akuzon Chelsea: Dy tifozët tanë u plagosën në Napoli
28 Janar, 11:06 -
Klithma e vdekjes dhe furgoni i zi që mori jetën e 7 tifozëve të PAOK-ut, Selaniku në lot! Mjeku tregon dëshminë e të plagosurit: U bllokua timoni
28 Janar, 09:59 -
Champions League luan sot aktin e fundit të grupit, 18 ndeshje në një orar! Emrat 'big' që mund të mbeten jashtë, Napoli rrezikon eliminimin (LLOGARITË)
28 Janar, 09:03
