Champions League zhvilloi sot katër ndeshjet e para të kthimit për fazën e 1/8-ave. Një biletë për në fazën çerekfinale kanë siguruar Real Madridi, PSG, Arsenali dhe Sportingu i Lisbonës, ndërsa jashtë turneut janë Manchester City, Chelsea, Bayer Leverkusen dhe Bodo/Glimt. Të mërkurën luhen katër ndeshjet e mbetura, ku do mësohen edhe tetë skuadrat çerekfinaliste dhe katër përballjet e radhës.

Në ‘Etihad’ Manchester City humbi sërish 1-2 me Real Madridin. Për spanjollët golat u shënuan nga Vinicius Junior në minutat 22 (11 metërsh) dhe 90+4’, ndërsa Erling Haaland barazoi shifrat momentalisht. City luajti për 70 minuta me një lojtar më pak pas daljes me karton të kuq të Bernardo Silvas në minutën e 20-të. Edhe pas fitores 3-0 në takimin e parë, është Real Madridi që kalon në çerekfinale dhe pret fituesin e çiftit Bayern Munich - Atalanta për të mësuar rivalin e radhës.

Në ‘Emirates’ Arsenali fitoi 2-0 kundër Bayer Leverkusen dhe me rezultatin e përgjithshëm 3-1 kalon në çerekfinale, ku do ndeshet me Sportingun e Lisbonës.

Në ‘Stamford Bridge’ vendasit e Chelsea u mposhtën 0-3 nga PSG-ja. Kampionët në fuqi të Champions League, PSG, kalon më tej me rezultatin e përgjithshëm 8-2 dhe në çerekfinale do ndeshet kundër fituesit të çiftit Liverpool - Galatasaray.

Në Lisbonë, Sportingu përmbysi Bodo/Glimtin duke kaluar në fazën çerekfinale pas 120 minutave në sfidën e sotme, e cila u mbyll 5-0. Koha e rregull u mbyll 3-0 për portugezët, me ndeshjen që shkoi me shtesë. Më tej Sportingu shënoi edhe dy gola të tjerë dhe me rezultatin e përgjithshëm 5-3 kalon më tej ku gjen Arsenalin.

Champions League, faza e 1/8-ave, ndeshjet e kthimit:

E martë, 17 mars 2026

18:45

Sporting Lisbone 5-0 Bodo/Glimt, pas 120 minutave lojë (0-3)

21:00

Arsenal 2-0 Bayer Leverkusen (1-1)

Chelsea 0-3 PSG (2-5)

Manchester City 1-2 Real Madrid (0-3)

E mërkurë, 18 mars 2026

18:45

Barcelona - Newcastle (1-1)

21:00

Bayern Munich - Atalanta (6-1)

Liverpool - Galatasaray (0-1)

Tottenham - Atletico Madrid (2-5)

Shënim: Në kllapa () rezultatet e ndeshjeve të para