POP 5

Lajmet më të lexuara të 5 minutave të fundit

Sport

Champions League/ Sonte 'momenti i gjykimit' për Milan-Napoli, Spaletti: Do fitojmë pa Osimhen! Në Madrid Real-Chelsea

Napoli kërkon sonte hakmarrjen në Champions League ndaj Milanit, një kundërshtar që nga ana tjetër shpreson të arrijë deri në finale. Sakaq në Madrid, po në orën 21:00, Reali kampion në fuqi pret Chelsea-n në supersfidën e parë çerekfinale.

Dita mbërriti. Sonte Milan-Napoli do të luajë aktin e parë të shumëpritur të çerekfinales së Champions League ku që në krye duhet përmendur se Spaletti nuk ka në dispozicion yllin e sulmit Osimhen, por jo vetëm.

Megjithatë kryesuesit e Seria A duan të marrin hak për disfatën e turpshme 4-0 në kampionat dhe mbi të gjitha për të vijuar sezonin e jashtëzakonshëm me arritje historike. Trajneri Spaletti tha se mungesat, përfshirë edhe sulmuesin tjetër Simeone, nuk do bëhen pengesë që Napoli të fitojë. Ai shtoi se deri këtu nuk kanë ardhur rastësisht dhe këtë do e dëshmojnë edhe në ‘San Siro’. Nga ana tjetër optimizmi është shumë i lartë edhe te Milan. Para ndeshjes kapiteni Hernandez ka deklaruar se ‘Topin e Artë’ do ta ndërronte me një Champions te Milani, ndërsa trajneri Pioli thotë se ‘duke ëndërruar mund të arrihet gjithçka, siç ndodhi sezonin e kaluar në Seria A’. Te ‘djalli’ ndërkohë mungojnë Ibrahimovic dhe Kalulu.

Sakaq në Santiago Bernabeu do zbresin në fushë kampionët në fuqi të Europës, Real Madrid që përballë do ketë Chelsea-n, me anglezët që kërkojnë të hakmerren për eliminimin në 1/8 në sezonin e kaluar.

Të dy skuadrat vijnë pas momenteve jo të mira në kampionat, ndërsa para ndeshjes trajneri Ancelotti i Real Madrid nuk i ka pranuar kritikat, ndërsa ka shtuar se duhen 180 minuta perfekte për kualifikimin. Nga ana tjetër trajneri Lampard i Chelsea-s kërkon që skuadra të ketë shumë uri në këtë përballje. Te anglezët mungon Aubameyang, ndërsa Reali është i plotë. Si spanjollët ashtu edhe anglezët janë dy fituesit e fundit të Champions League.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Rama shkarkon zv/ministren e arsimit Nina Guga e zëvendëson me Orjana Osmanin, mësuese në gjimnazin 'Petro Nini'

Rama shkarkon zv/ministren e arsimit Nina Guga e zëvendëson me Orjana Osmanin, mësuese në gjimnazin 'Petro Nini'

18 Dhjetor, 17:52