PARIS - U cilësua si finalja e parakohshme e këtij sezoni në Champions League dhe dueli i ‘Parkut të Princave’ në Paris nuk zhgënjeu. PSG, kampion në fuqi i këtij eventi fitoi sot me përmbysje 5-4 kundër Bayern Munich në gjysmëfinalen e parë të Champions League, duke lënë gjithçka të hapur për sfidën e kthimit që luhet më 6 maj në Gjermani. Asnjëherë më parë nuk ishin shënuar nëntë gola në një ndeshje gjysmëfinale të Champions League. PSG mposhti Bayern në Champions për herë të parë që nga 7 prilli 2021, pas një serie prej pesë ndeshjesh pa fitore.

Bavarezët kaluan në epërsi pas 17 minutash lojë me golin e Harry Kane nga pika e bardhë e penalltisë, teksa anglezi ka shënuar 54 gola këtë sezon për Bayern. Goli i pësuar e ‘zgjoi’ PSG-në që përmbysi ndeshjen me supergolin e Kvaratskhelias dhe atë të Neves, para se Olise të barazonte për 2-2 në minutën e 41-të. Fundi i pjesës së parë solli edhe golin e tretë për vendasit me Ousmane Dembele pas 11 metërshit që u akordua nga VAR, teksa fraksioni i parë u mbyll 3-2.

Edhe pjesa e dytë nisi aty ku u ndal e para dhe PSG shënoi dy herë të tjera me Kvaratskhelian dhe Dembele për rezultatin 5-2. Kur u duk se PSG do e kishte të lehtë për të kaluar në finale, Bayern shënoi dy gola me Upamecanon dhe Diaz për rezultatin final 5-4. PSG fitoi betejën, por jo luftën ndaj Bayernit.

Gjithçka në këtë çift mbetet e hapur për sfidën e radhës që do të zhvillohet më 6 maj në Munich, aty ku do të vendoset se cili mes dy ekipeve do të luajë në finalen e Budapestit. Paris Saint Germain ka ndërprerë serinë prej 19 ndeshjeve pa humbje të Bayern.

Ndeshja e parë e gjysmëfinales tjetër mes Atletico Madridit dhe Arsenalit do të luhet nesër në orën 21:00.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Prill, 21:24

    A duhet që seancat në GJKKO të transmetohen live për publikun?

Lajme të tjera