Edhe pse humbi të shtunën ndaj Real Madrid trajneri i katalanasve Luis Enrique tregohet optimist gjatë konferencës: “Ne jemi skuadra më e mirë por edhe mund të eliminohemi pavarësisht se mund të bëjmë dy ndeshje shumë të mira. Në jetë gjithçka mund të ndodhë dhe nuk na presin ndeshje të lehta mbi të gjitha ajo e kthimit”, sqaron Luis Enrique.
Për mbrojtësin katalanas, Gerard Pique, humbja me Realin tashmë është arkivuar.
Ai kërkon përqendrim që në ndeshjen e nesërme në “Camp Nou” për të marrë një rezultat që do të ndikojë shumë në kualifikimin për në gjysmëfinale.
Në kampin e Atleticos trajneri Simeone nuk e ka mendjen të marrë një rezultat të favorshëm që mund të jetë edhe barazimi apo humbja minimale.
Në konferencën për shtyp argjentinasi ka deklaruar se i vetmi rezultat i mirë që mund të marrë Atletico është fitorja.
Ndeshjet e fazës çerekfinale të Champions:
5 prill në 20:45
Barcelona-Atletico Madrid
Bayern Mynih-Benfica
6 prill në 20:45
Wolfsburg-Real Madrid
Psg-Manchester City
Redaksia Online
Shqiptarja.com