Champions-i mirazh për Juventusin, Milani e siguron matematikisht! Roma dhe Fiorentina kanë në dorë prestigjin e Seria A

Juventusit i është shuar çdo shpresë për të qenë sezonin e ardhshëm në Champions League, pasi në ndeshjen e fundit për këtë sezon në ‘Allianz Stadium’ zonja e vjetër është mposhtur 0-1 nga Milani. Vendimtar ishte Oliver Giroud i cili realizoi një gol tejet të bukur në minutën e 40, duke i siguruar nga ana tjetër matematikisht ‘djallit’ pjesmarrjen në Champions për sezonin e ardhshëm.

Kur ka mbetur edhe 1 javë kampionat Milani i vendit të katërt është në kuotën e 67 pikëve, 6 më shumë se Atalanta ndjekëse, ndërsa tani Juventus pozicionohet i 7 me 59 pikë.

Sezonin e ardhshëm Seria A mund të përfaqësohet me 5 skuadra në Champions League, nëse Roma ia del të fitojë finalen e Europa League të mërkurën kundër Sevillia-s. Gjithashtu edhe numri i skuadrave në Europa League mund të rritet nëse Fiorentina ia del të fitojë finalen e Conference League kundër West Ham.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD