Presidenti në detyrë i skuadrës së Chapecoenes Ivan Tozzo është shprehur se zyrtarët e CONMEBOL kanë konfirmuar dhënien e titullit për skuadrën braziliane, një pjesë e madhe e lojtarëve të së cilës u ndanë nga jeta në aksidentin ajror në Mendelin të Kolumbisë.
“Skuadra do të marri edhe 2 milion dollarët e çmimit, gjithçka është konfirmuar. Nuk e di nëse do të ketë një ceremoni për dorëzimin e kupës”, është shprehur ai.
CONMEBOL e ka marrë këtë vendim pas deklaratës së skuadrës tjetër finaliste të Kupës së Amerikës Jugore, Atletiko Nacional. Skuadra kishte deklaruar se dëshironte që kupa e këtij kompeticioni t’i jepej skuadrës së Chapecoenes.
Gjithashtu Tozzo ka deklaruar se skuadra do të jetë e rindërtuar për vitin e ardhshëm dhe gati për tu bërë pjesë e kompeticioneve.
Redaksia online
D.T/Shqiptarja.com