Federata Braziliane e futbollit i ka propozuar Chapecoense-s mundësinë për të qëndruar në imunitet për tre vite me rradhë mes më të mirave të Serisë A Braziliane.
Kjo do të thotë se ata mund të garojnë në këtë ligë pa pasur presionin e rënies në një kategori më poshtë por ky privilegj është hedhur menjëherë poshtë nga klubi i cili kërkon që përtej tragjedisë, gara të vazhdojë të jetë e drejtë, pa favorizuar askënd.
“Ne ndodhemi në vendin e nëntë dhe besoj se jemi të shpëtuar nga rënia për këtë sezon. Ekipi mund t’ja dalë edhe pa asistencën e federatës. Ne jemi në kërkim të lojtarëve të rinj që do jenë pjesë e ekipit për pjesën e mbetur të kampionatit.
Megjithatë edhe po të renditemi në katër vendet e fundit nuk kemi ndërmend të vazhdojmë sërisht në ligën kryesore të vendit ”- ishin fjalët e presidentit të klubit, Ivan Tozzo, për ‘GlobeSporte’, të cilat janë vlerësuar dhe përshendetur nga ekipet e tjera.
Chapecoense dje ka fituar zyrtarisht kupën ‘Sudamericana’, pas vendimit të Atletico Nacional për t’ia dhuruar në nder të viktimave të tragjedisë ajrore.
Redaksia Online
K.M/Shqiptarja.com