'Ciao', fjala e njohur italiane feston 200 vjetorin

Gjuhëtari italian, Nicola De Blasi thotë se në një roman francez të Paul Bourget, shkruar në vitin 1893, një personazh thoshte në italisht shprehjen ”Ciaò, simpatik!”, ndërkohë që në fillimet e viteve 900 ishte kompozuar edhe një vals me titullin ”Ciao”. Kjo përshëndetje u bë shumë shpejt e përdorshme në filmat e neorealizmit dhe në komeditë italiane, në kohën kur arti i shtatë italian po njihte një sukses botëror.

Dhe të mendosh se kjo fjalë nuk ka asgjë të përbashkët me intimitetin, nëse është e vërtetë, dhe është e vërtetë që ”ciao” rrjesh nga latinishtja ”sclavum”, pastaj në variantin ”slavum”.

Duke filluar nga vitet 400, në Itali futet zakoni i përshëndetjes së dikujt duke deklaruar skllavin e tij: që nga kjo kohë fjala ”ciao”, që rrjedh nga dialekti venecian ”s’ciavo”, skllav, u kthye në përshëndetje.

LEXO EDHE:
Reshje të dendura shiu në Milano, pema bie mbi kabllot e tramvajt! Kurrë nuk ka rënë kaq shumë në 170 vjet

Por, ka një ditëlindje të kësaj fjale.

Ekzaktësisht, dy shekuj më parë, kjo fjalë u shkrua për herë të parë.

1818-a është viti kur tragjediografi, Francesco Benedetti, shkruan Corriere della Sera, përmend në një letër mirësjelljen e milanezëve dhe shkruan se ”këta milanezët e mirë kanë filluar të më thonë Ciau Benedettin!”.

Nga ana tjetër, një vit më vonë, shkrimtarja angleze Sidney Morgan aludon për sjelljen e disa spektatorëve, të cilët, në një ambient të ”La Scala”-s shkëmbenin një ”ciavo të përzemërt”, përcjell Atsh.

Një tjetër konfirmim për 200-vjetorin e lindjes së kësaj fjale vjen nga një letër e konteshës veroneze, Giovanna Maffei, e cila në vitin 1818 shkruan se ”im bir kërkon që t’i them ciao tim shoqi”.

TAG:
• itali
• ciao
• Nicola De Blasi

Sondazhi i ditës:

Pronat shtetërore mund të shkëmbehen me private, si e vlerësoni ligjin?

• Të drejtë

  31.4%

• Të gabuar

  57.9%

• Nuk e di

  10.6%

Vota total: 1063

Votat totale janë unike

• Sondazhi i ditës:

  Pronat shtetërore mund të shkëmbehen me private, si e vlerësoni ligjin?

  Të drejtë Të gabuar Nuk e di