POP 5

Lajmet më të lexuara të 5 minutave të fundit

Kultura

‘Ciceron’/ Aktivitetet e kulturës që mund të ndiqni sot

Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni gjatë fundjavës në Tiranë dhe disa qytete të vendit.

Çelet sot në orën 11.00 në galerinë "Fab" ekspozita "Start" me imazhe të realizuara nga studentët e programit të ri studimor në Universitetin e Arteve "Fotografi".

Festivali Teatror i Shkollave të Mesme të Tiranës "Rin Art" vijon sot në orën 17.00 në Teatrin Kombëtar me shfaqjen "Gratë në Parlament" të Aristofanit me regji të Bruna Belaj e interpretim të gjimnazistëve nga "Besnik Sykja".

Çelet sot në orën 18.00 pranë Qendrës Stefan në Tiranë ekspozita “Go and don’t look back” me punime të nxënësve të Liceut Artistik “Jordan Misja” dhe kuratore Diti Çapunin.

Jo thjeshtë dizajn, por histori nga 11 stilistë. “Vogue Italia”, sjell imazhin e modës së re italiane në Qendrën për Hapje e Dialog në Kryeministri përmes ekspozitës  “Fashion Panorama - The Italian New Wave”, që qëndron e hapur deri në 2 qershor.

Bazuar në rrëfimet e grave që kanë përjetuar dhunë në familje, vijon dhe sot në orën 19.00 në teatrin “Metropol” shfaqja “Ajo”, me regji të Marigona Bekteshit.

Me vepra bashkëkohore të 11 artistëve pamorë në zë, qëndron e hapur deri në 29 maj në Galerinë e Arteve Tiranë ekspozita "Muri" me kurator Ardian Devollin.

Virtuozi Ermir Abeshi, koncertmaester në Filarmoninë e Radios Gjermane vijon të mbajë sot e nesër në orën 10.00 një masterklas për violinë në Universitetin e Arteve.

Mbahet sot në orën 19.00 në teatrin "Andon Zako Çajupi" në Korçë komedia "Nuse vetëm për letra" me regji të Leka Bungos.

Edhe këtë të mërkurë në orën 16.30, Qendra Rinore Sebastia në Laç shndërrohet në një minikinema ku do të projektohet filmi "Menuja".

Festivali Ndërkombëtar i Filmit Dropull shfaq sot në orën 18.00 në Qendrën Kulturore të Katedrales Ortodokse katër filma të shkurtër.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të zhvillohen zgjedhje të reja në komunat në veri të Kosovës?

Lajme të tjera



×

Lajmi i fundit

Plumb 50 vjeçarit në Shijak, policia në ndekje të autorit

Plumb 50 vjeçarit në Shijak, policia në ndekje të autorit

1 Qershor, 23:28